Book Name:Safar e Meraj aur Pyari Namaz
اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
اَلصَّلٰوۃُ وَ السَّلَامُ عَلَیْكَ یَا رَسُولَ اللہ وَعَلٰی اٰلِكَ وَ اَصْحٰبِكَ یَا حَبِیْبَ اللہ
اَلصَّلٰوۃُ وَ السَّلَامُ عَلَیْكَ یَا نَبِیَّ اللہ وَعَلٰی اٰلِكَ وَ اَصْحٰبِكَ یَا نُوْرَ اللہ
نَوَیْتُ سُنَّتَ الْاِعْتِکَاف ( ترجمہ : میں نے سُنَّت اعتکاف کی نِیَّت کی )
صحابئ رسول حضرت ابوہُریرہ رَضِیَ اللہ عنہ فرماتے ہیں : رحمت والے آقا ، مدینے والے مصطفےٰ صلی اللہ عَلَیْہِ وَ آلِہٖ وَسَلَّم کا فرمان ہے : اللہ پاک کے کچھ سیر کرنے والے فرشتے ہیں ، جو ذِکْر کی محفلیں تلاش کرتے ہیں پھر جب ذکر کی محفلوں کے پاس سے گزرتے ہیں تو ایک دوسرے سے کہتے ہیں : بیٹھ جاؤ ۔جب اللہ پاک کا ذِکر کرنے والے دُعا مانگتے ہیں تو فرشتے اُن کی دُعا پر آمین ( یعنی ایسا ہی ہو ) کہتے ہیں۔ جب وہ نبی پر درود بھیجتے ہیں تو وہ فِرِشتے بھی ان کے ساتھ مل کر درود بھیجتے ہیں ، اس محفل کے اِختتام پر فرشتے ایک دوسرے کو کہتے ہیں کہ ان خوش نصیبوں کے لئے خوشخبری ہے کہ یہ مَغْفرت کے ساتھ واپس جا رہے ہیں۔ ( [1] )
وہ سلامت رہا قِیامت میں پڑھ لئے جس نے دل سے چار سلام
میرے پیارے پہ میرے آقا پر میری جانب سے لاکھ بار سلام
میری بگڑی بنانے والے پر بھیج اے میرے کِردِگار سلام ( [2] )
صَلُّوْا عَلَی الْحَبیب ! صَلَّی اللّٰہُ عَلٰی مُحَمَّد