ہیں ، وہ زِندہ کیوں نہیں ، یقیناً سارے انبیائے کرام علیہم السلام    اپنے اپنے مَزارات میں زِندہ ہیں ، نمازیں بھی پڑھتے ہیں ، رِزْق بھی دئیے جاتے ہیں۔  آئیے ! اِس ضِمن میں دو اَحادِیثِ کریمہ  سُنتے ہیں :

 حیاتِ اَنبیا پر دو اَحادیثِ کریمہ

اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم  نے فرمایا : بےشک اللہ پا ک نے زمین پر اَنبیائے کِرَام علیہم السلام   کے جسموں کو کھانا حرام فرما دیا ہے ، اللہ پاک کے نبی زندہ ہیں ، اُنہیں رِزْق دیا جاتا ہے۔  ^{( [1] )}   ایک اور حدیث شریف میں  ہے : اَنبیائے کرام اپنی اپنی قَبروں میں زِندہ ہیں اورنَماز بھی پڑھتے ہیں ۔  ^{( [2] )}  

سُبْحٰنَ اللہ ! پیارے اسلامی بھائیو !  قُرآنی آیت اور اَحادیثِ کریمہ سے معلوم ہوا؛ اَنبیائے کرام  علیہم السلام   پر صِرْف لمحہ  بھر کے لئے موت طاری ہوتی ہے ، پھر انہیں وہی دُنیوی ، حِسِّی زِندگی عطا کر دی جاتی ہے۔

اَنبیا کو بھی اَجل آنی ہے                                                                                             مگر ایسی کہ فَقَط آنی ہے

پھر اُسی آن کے بعد اُن کی حَیات                                             مِثلِ سابق وہی جسمانی ہے

وضاحت : آن کا معنی ہے : لمحہ۔ اعلیٰ حضرت رحمۃُ اللہ عَلَیْہ فرما رہے ہیں : انبیائے کرام علیہم السلام کو بھی موت آنی ہے مگر ایسی کہ صِرْف آنی  ( یعنی لمحہ بھر کے لئے )  ہے۔ لمحہ بھر کے لئے موت حاضِری دیتی ہے ، پھر انہیں دوبارہ پہلے جیسے حِسّی دُنیوی ، جسمانی حیات عطا فرما دی جاتی ہے۔