موسیٰ عَلَیْہِ السَّلَام    اُمَّتِ مصطفےٰ سے ہمدردی کرنا چاہتے تھے تو وہ خُود ہی اللہ پاک کی بارگاہ میں عَرض کر دیتے کہ مولیٰ ! 50 نمازیں اس اُمّت سے نہ پڑھی جائیں گی ، کم فرما دے۔ لیکن حضرت موسیٰ عَلَیْہِ السَّلَام  نے خُود ہی عَرض نہ کیا بلکہ پیارے آقا ، محبوبِ خُدا صلی اللہ عَلَیْہِ وَ آلِہٖ وَسَلَّم  کے واسطے سے کم کروائیں ، معلوم ہوا؛ اِمامُ الاَنبیا صلی اللہ عَلَیْہِ وَ آلِہٖ وَسَلَّم  کی یہ شان ہے کہ کلیمُ اللہ عَلَیْہِ السَّلَام   نے بھی بارگاہِ اِلٰہی میں کچھ عَرض کرنا ہو تو ان کے ذریعے سے کرتے ہیں۔

انبیاء و اولیاء ، اَوّلِیْن و آخرِیْن                                                                   کون ہے جس کو نہیں حاجت رسول اللہ کی

 ( 4 ) : پھر یہ بھی غور فرمائیے ! شبِ مِعْراج پیارے آقا ، مدینے والے مصطفےٰ صلی اللہ عَلَیْہِ وَ آلِہٖ وَسَلَّم  10 مرتبہ اللہ پاک کی بارگاہ میں حاضِر ہوئے ، ایک تو پہلی حاضِری ہوئی ، پھر حضرت موسیٰ عَلَیْہِ السَّلَام   کی درخواست پر 9 مرتبہ حاضِری کی سعادت پائی۔  سُبْحٰنَ اللہ !

قصرِ دنیٰ تک کس کی رسائی                                                                                         جاتے یہ ہیں ، آتے یہ ہیں

 ( 5 ) : پیارے اسلامی بھائیو ! حضرت موسیٰ عَلَیْہِ السَّلَام باربار بارگاہِ رسالت میں نمازَیں کم کروانے کا عَرض کرتے رہے ، اس میں ایک بہت پیارا اور عشق بھرا نکتہ عُلَما نے لکھا ہے ، فرماتے ہیں : حضرت موسیٰ عَلَیْہِ السَّلَام   نے کوہِ طُور پر اللہ پاک کے دِیدار کی تمنّا کی تھی مگر وہ تمنّا پُوری نہ ہوئی ، آج جب رسولِ اکرم ، نورِ مُجَسَّم  صلی اللہ عَلَیْہِ وَ آلِہٖ وَسَلَّم کو یہ سَعَادت نصیب ہوئی تو حضرت موسیٰ عَلَیْہِ السَّلَام   چاہتے تھے کہ آپ صلی اللہ عَلَیْہِ وَ آلِہٖ وَسَلَّم  باربار اللہ پاک کو دیکھ کر آتے رہیں اور میں بار بار ان کا دیدار کرتا رہوں ،  حضرت موسیٰ عَلَیْہِ السَّلَام    کے لئے رُخِ مصطفےٰ جمالِ کبریا  کا گویا آئینہ تھا ، آپ کی طُور والی تمنّا آج پُوری ہو رہی تھی۔  ^{( [1] )}   

جنہاں اکھیاں دِلْبَر ڈِٹھا اَوہ اَکھیاں اج تک لَیَّاں