جبریلِ امین  عَلَیْہِ السَّلَام نے عَرْض کیا :  ( یارسولَ اللہ ! صلی اللہ عَلَیْہِ وَ آلِہٖ وَسَلَّم ) یہاں اُتر کر نماز ادا فرمائیے ! ۔ آپ نے نماز ادا فرمائی۔ حضرتِ جبریل عَلَیْہِ السَّلَام   نے عَرض کیا : آپ صلی اللہ عَلَیْہِ وَ آلِہٖ وَسَلَّم    کو  مَعْلوم ہے کہ آپ نے کس جگہ نماز پڑھی ہے؟  ( پھر خود ہی عَرْض کیا ) آپ نے طیبہ  ( یعنی مدینہ شریف )  میں نماز پڑھی ہے ، اسی کی طرف ہجرت ہو گی۔

 ( 2 ) : دُوسرا مَقامِ نماز : طُورِ سِیْنا

پھر ایک اور مَقام پر حضرتِ جبریل عَلَیْہِ السَّلَام   نے آپ کو اُتر کر نماز پڑھنے کے لئے عَرْض کیا۔ آپ صلی اللہ عَلَیْہِ وَ آلِہٖ وَسَلَّم  نے نماز ادا فرمائی۔ حضرتِ جبریل عَلَیْہِ السَّلَام   عَرْض گُزار ہوئے : یہ آپ نے طُورِ سِیْناپر نماز پڑھی ہے جہاں اللہ پاک نے حضرتِ موسیٰ عَلَیْہِ السَّلَام   کو ہَم کلامی کا شَرَف عطا فرمایا تھا۔

 ( 3 ) : تیسرا مقامِ نماز؛ بَیْتِ لَحْم

پھر ایک اور جگہ حضرتِ جبریل عَلَیْہِ السَّلَام   نے آپ کو اُتر کرنماز پڑھنے کے لئے عرض کیا : آپ صلی اللہ عَلَیْہِ وَ آلِہٖ وَسَلَّم   نے نماز ادا فرمائی۔ اس کے بعد حضرتِ  جبریل عَلَیْہِ السَّلَام   نے عَرْض کی : یہ آپ نے بَیْتِ لَحْم میں نماز پڑھی ہے جہاں حضرتِ عیسیٰ عَلَیْہِ السَّلَام   کی وِلادت ہوئی تھی۔  ^{( [1] )}

ہر عبادت سے بَرتَر عبادت نَماز                                                       ساری دولت سے بڑھ کر ہے دولت نَماز

پیارے آقا کی آنکھوں کی ٹھنڈک ہے یہ             قلبِ شاہِ مدینہ کی راحت نَماز

بھائیو ! گر خُدا کی رِضا چاہئے                                                                                  آپ پڑھتے رہیں باجماعت نَماز

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد