ہم تو ہیں آپ دل فگار غم میں ہنسی ہے ناگوار

چھیڑ کے گُل کو نوبہار خون ہمیں رُلائے کیوں ؟

وضاحت : عشقِ رسول ہماری جان ہے ، اللہ پاک اس عشق میں روز بروز مزید اضافہ فرمائے ، لوگ سمجھتے ہیں عشق ایک دَرْد ہے ، ہاں! ایسا ہے مگر جسے اس دَرْد میں مزہ ہو ، وہ دواء کے ناز نخرے کیوں اُٹھائے۔ اے بہار! ہم پہلے ہی محبوب کے ہجر میں دِل زخمی کئے بیٹھے ہیں ،  ایسی حالت میں ہنسنا کب گوارا ہوتا ہے ، لہٰذا پھول کِھلا کر ، موسم سُہانا بنا کر ہمارے غم میں مزید اِضَافہ مت کر...!!

 ( 3 ) : صحابہ و اَہْلِ بیت کا کا اَدَب

حُضُور مُحَدِّثِ اعظم پاکستان  رَحمۃُاللہ علیہ صحابۂ کِرام و اَہْلِ بیتِ اطہار کا بھی خوب ادب کرتے تھے۔ جب بھی کسی صحابی کا نام لیتے تو ساتھ رَضِیَ اللہ عنہ     خود بھی کہتے اور دوسروں سے بھی کہلوایا کرتے ، اگر کوئی طالبِ عِلْم حدیثِ پاک پڑھتے ہوئے کسی صحابی کے نام کے ساتھ رَضِیَ اللہ عنہ     نہ پڑھتا تو اسے روک دیتے اور فرماتے : آپ نے صحابی کا نام پڑھا ہے ، لہٰذا رَضِیَ اللہ عنہ     بھی کہیں۔  ^{( [1] )}

کیوں نہ ہو رُتبہ بڑا اَصْحاب و اَہْلِ بیت کا                           ہے خُدائے مصطفےٰ اَصْحاب و اَہْلِ بیت کا

آل و اَصْحابِ نبی سب بادشہ ہیں بادشاہ                     میں فقط ادنیٰ گدا اَصْحاب و اَہْلِ بیت کا

فَضْلِ رَبّ سے دو جہاں میں کامیابی پائے گا     دِل سے جو شیدا ہوا اَصْحاب و اَہْلِ بیت کا

ہر صَحابیِ نبی!                                                      جنَّتی جنَّتی                                                      سب صَحابیات بھی !            جنَّتی جنَّتی

چار یارانِ نبی!                                              جنَّتی جنَّتی                                                      حضرتِ صدّیق بھی!                           جنَّتی جنَّتی