نور نے موٹی چادر کی صورت اختیار کر لی اور جنازۂ مبارکہ اس میں چھپ گیا چمکیلے تانبے کے باریک پتروں کی طرح نور کی سنہری کرنیں جنازۂ مبارکہ پر گر رہی تھیں ہزار ہا اَفْراد نے تعجب سے اس آسمانی منظر کو دیکھا کچھ دیر تک یہی کیفیت رہی پھر آہستہ آہستہ جنازۂ مبارکہ دوبارہ نظر آنا شروع ہوا بالآخِر جنازہ مبارکہ  ایک وسیع و عریض میدان میں لایا گیا جہاں آپ  رَحمۃُاللہ علیہ کی  نَماز جنازہ ادا کی گئی ، جنازے  میں اتنے لوگ شریک تھے کہ کبھی فیصل آباد کی تاریخ میں جمع نہ ہوئے۔آپ  رَحمۃُاللہ علیہ کی آخری آرام گاہ جامعہ رضویہ مظہرِ اِسلام ( فیصل آباد )  میں واقِع ہے۔ ^{( [1] )}

صَلُّوا عَلَی الْحَبیب!                                               صَلَّی اللہ  عَلٰی مُحَمَّد

شعبان المعظم کے فضائِل کا بیان

پیارے اسلامی بھائیو! آقا کا مہینا یعنی ماہِ شعبان المعظم تشریف لا رہا ہے ، بہت بابرکت مہینا ہے ، 15شعبان رحمتوں ، مغفرتوں بھری مبارک رات یعنی شبِ براءَت بھی آتی ہے ، لہٰذا کوشش کیجئے کہ یہ مبارک مہینا نیکیاں کرتے ، گُنَاہوں سے بچتے اور بالخصوص خوفِ خُدا سے روتے ، رحمتِ اِلٰہی کی بھیک مانگتے ، کثرت سے توبہ و استغفار کرتے ہوئے گزرے۔

شعبان المعظم کی چار اَہَم عِبَادات ہیں ، کون کون سی ہیں ؟ آئیے سنتے ہیں :

 ( 1 ) : شَعْبَانُ الْمُعَظَّم کی پہلی اَہَم عِبَادت : درود کی کثرت

               یُوں تو درودِ پاک زِندگی بھر کا وظیفہ ہے ، ہمارے روزانہ کے معمولات میں درودِ پاک کی کَثْرَت شامِل رہنی چاہئے اور سارا سال ہی درود پڑھنا چاہئے ، البتہ اب شَعْبَانُ