نے اِرْشاد فرمایا : میں نے اپنے عِلْم سے دوسروں کو فائدہ پہنچانے میں کبھی بُخل نہیں کیا اور جو مجھے نہیں آتا تھا اس میں دوسروں سے فائدہ حاصل کرنے سے کبھی نہیں رُکا۔  ( الدرالمختار ، المقدمۃ ، ج۱ ، ص۱۲۰۔۱۲۷ )

امامِ اعظم کی وصیَّتیں :

حضرت امامِ اعظمرَحْمَۃُ اللہِ عَلَیْہ  کی حکمت بَھری نصیحتوں سے مدنی پُھول حاصل کرنے کیلئے مکتبۃُ المدینہ کا  رِسالہ ” امام ِ اَعْظم کی وصیَّتیں “ ہدیۃً حاصل فرما کر مُطالَعہ کرلیجئے۔ امامِ  اَعْظَمرَحْمَۃُ اللہِ عَلَیْہ نے  وَقتاً فوقتاً اپنے شاگردوں کوجو  اِنْتہائی مُفید نصیحتیں فرمائیں وہ مختلف کُتُب میں بکھری ہوئی تھیں۔ اَلْحَمْدُ لِلّٰہ ! اَلْمَدِیْنَۃُ الْعِلْمِیّۃ  ( Islamic Research Center ) نے اَنْتھک کوششوں سے ان نصیحتوں کو یکجا کر کے ان کا اُردو ترجمہ پیش کرنے کی سعادت حاصل کی ہے۔ یہ رسالہ ایسی  نصیحتوں پر مشتمل ہے جو انسان کی ظاہری وباطنی دُرُسْتی کے لئے اِنْتہائی مُفید ہے۔ اس میں اِصْلاح کے بے شُمار مدنی پُھول مَوْجُود ہیں۔ مثلاً اللہ  پاک سے ڈرتے رہنا ، عوام وخواص کی امانتیں اَدا کرنا ، انہیں نصیحت کرنا ، زِیادہ ہنسنے سے بچنا ، تلاوتِ قرآنِ پاک کی پابندی کرنا اور اپنے پڑوسی کی پردہ پوشی کرنا وغیرہ۔ دعوتِ اسلامی کی ویب سائٹ www.dawateislami.net سےاس رسالے کو رِیڈ ( یعنی پڑھا )  بھی  جا سکتا ہے ، ڈاؤن لوڈ اور پرنٹ آؤٹ بھی کیا جا سکتا ہے۔

صَلُّوْا عَلَی الْحَبِیْب !                                        صَلَّی اللہُ  عَلٰی مُحَمَّد

 پیارے اسلامی بھائیو ! بیان کو اِختتام کی طرف لاتے ہوئے سُنَّت کی فَضیلت اور چند سُنَّتیں اور آداب بیان کرنے کی سَعَادَت  حاصِل کرتا ہوں۔تاجدارِ رِسالت ، شَہَنْشاہِ نُبُوَّت ، مُصطَفٰے جانِ رَحْمت ، شمعِ بزمِ ہدایت ، نوشۂ بزمِ جنّت صَلَّی اللہُ  عَلَیْہِ واٰلہٖ وَسَلَّمَ  کا فرمانِ جنّت نشان ہے : جس نے میری سُنَّت سے مَحَبَّت کی اُس نے مجھ سے مَحَبَّت کی اور جس نے مجھ سے مَحَبَّت کی وہ جنّت میں میرے ساتھ ہو گا ۔