گرامی ” نُعمان  “ کے لُغْوی معنی کو دیکھیں تو آپ رَحْمَۃُ اللہِ  عَلَیْہ واقعی اسمِ بامُسمیّٰ نظر آتے ہیں۔چُنانچہ شیخ الاسلام شہاب الدّین امامِ احمد ابنِ حجر ہیتمی مکی شافعی رَحْمَۃُ اللہِ عَلَیْہ   فرماتے ہیں : عُلَماء کا اس بات پر اتفاق ہے کہ آپ رَحْمَۃُ اللہِ  عَلَیْہ کا نام ” نُعْمان  “ ہی ہے۔آپ  کے نام میں بھی ایک لَطیف بات مَوْجُود ہے۔وہ یہ کہ نُعْمان کی اَصْل ایسا خُون ہے  جس سے اِنْسانی  جِسْم  ( کا ڈھانچہ )  قائِم ہوتاہے۔ تو  ( اس طرح )  امامِ اَعْظم رَحْمَۃُ اللہِ عَلَیْہ  کو نُعمان کہنے کی وَجہ یہ ہے کہ آپ رَحْمَۃُ اللہِ  عَلَیْہ ہی فقہِ اسلامی کی بُنیاد ہیں۔ ( الخیرات الحسان ، ص۳۱ )

صَلُّوْا عَلَی الْحَبِیْب !                                        صَلَّی اللہُ  عَلٰی مُحَمَّد

نام ونَسب کُنیت ولَقَب :

آئیے ! اب آپ رَحْمَۃُ اللہِ  عَلَیْہکامُختصر تعارُف اورحَیاتِ مُبارَکہ کے چند گوشوں کے مُتَعَلِّق سُنتے ہیں۔ آپرَحْمَۃُ اللہِ عَلَیْہ   کا نامِ نامی  نُعمان ، والِدِ گرامی کا نام ثابِت اورکُنْیَت ابُو حنیفہ  ( اور لَقب امام ِاَعْظم ہے )  ۔ آپ   80ھ؁ میں ( کُوفہ ) میں پیداہوئے اور70 سال کی عُمر پاکر ( 2 شَعْبانُ الْمُعظَّم  ) 150ھ؁میں وَفات پائی۔ (  تاریخ ِ بغداد ، ج ۱۳ ، ص : ۳۳۱ ، نُزھَۃُ الْقارِی ج ۱ ، ص : ۲۱۹ )  اورآج بھی بغدادشریف کے قبرستان خیزران میں آپ کا مزارِ فائضُ الاَنْوار مَرجَعِ خَلائِق ہے۔ (  تاریخِ بغداد ، ۱۳ ، ص : ۳۲۵ ) اَئمّۂ اَربَعَہ یعنی چاروں امام  ( امام ابُو حنیفہ ، امام شافِعی ، امام مالک اور امام احمد بن حنبل رَحْمَۃُ اللہِ  عَلَیْھِم )  بَرحق ہیں اوران چاروں کے خُوش عقیدہ مُقَلِّدین آپَس میں بھائی بھائی ہیں۔ امامِ اعظم ابُو حنیفہ رَحْمَۃُ اللہِ  عَلَیْہ چاروں اماموں میں بُلند مرتبہ ہیں ، اس کی ایک وجہ یہ بھی ہے کہ ان چاروں میں صِرف آپ تابِعی ہیں۔’’تابِعی‘‘ اُس کو کہتے ہیں : جس نے ایمان کی حالت میں کسی صَحابی رَضِیَ اللہُ  عَنْہُ سے مُلاقات کی ہو اوراِیمان پر اُس کا خاتمہ ہوا ہو۔  ( نزھۃ النظر فی توضیح نخبۃ الفکر ، ص۱۱۳ ، ملخصا )  امامِ اعظم رَحْمَۃُ اللہِ  عَلَیْہ   نے مُختلف رِوایات کے تَحت چندصَحابۂ کِرام عَلَیْہِمُ الرِّضْوَان  سے مُلاقات کا شَرَف حاصل کیا ہے اوربعض صَحابۂ کرام عَلَیْہِمُ الرِّضْوَان سے براہِ راست ، سرورِ کائنات صَلَّی اللہُ  عَلَیْہِ واٰلِہٖ وَسَلَّمَ