Book Name:Shab e Barat Ke Fazail
صَلَّی اللہ عَلَیْہِ وَ آلِہٖ وَسَلَّم نے فرمایا : جو باطِل پر ہو اور جھگڑا چھوڑ دے ، اللہ پاک اس کے لئے جنّت کے کونے میں گھر بنائے گا اور جو حق پر ہوتے ہوئے بھی جھگڑا چھوڑ دے ، اللہ پاک اس کے لئے جنّت کے اُوپر والے درجے میں گھر بنائے گا۔ ( [1] )
اُمَّتِ محبوب کا یارَبّ بنا دے خیر خواہ نفس کی خاطِر کسی سے دِل میں میرے ہو نہ بَیْر
پیارے اسلامی بھائیو ! آئیے ! آخِر میں شبِ براءَت میں پڑھے جانے والے چند نوافِل کے متعلق سُنتے ہیں۔
مغرب کے بعد 6 نوافل
اولیائے کرام رَحمۃُ اللہ عَلَیْہم کے معمولات سے ہے کہ مغرب کے فرض و سُنّت و غیرہ کے بعد 6 رکعت نفل 2 ، 2 دو رکعت کر کے ادا کئے جائیں۔ * پہلی 2 رکعتوں سے پہلے یہ نیّت کیجئے : یااللہ پاک ! ان 2 رکعتوں کی برکت سے مجھے درازئ عمر بِالْخَیْر عطا فرما * دوسری 2 رکعتوں سے پہلے یہ نیّت فرمائیے : یا اللہ پاک ! ان 2 رکعتوں کی برکت سے بلاؤں سے میری حفاظت فرما * تیسری 2 رَکعتوں کیلئے یہ نیّت کیجئے : یَااللہ پاک ! ان 2 رَکعتوں کی برکت سے مجھے اپنے سوا کسی کا مُحتاج نہ کر۔
ان 6رَکعتوں میں سُوْرَۃُ الْفَاتِحَہ کے بعد جو چاہیں وہ سُورَتیں پڑھ سکتے ہیں ، چاہیں تو ہر رَکعت میں سُوْرَۃُ الْفَاتِحَہ کے بعد 3بار سُوْرَۃُ الْاِخْلَاص پڑھ لیجئے۔ ہر 2 رَکعت کے بعد 21 بار قُلْ هُوَ اللّٰهُ اَحَدٌ ( پوری سورت ) یا ایک بار سُوْرَۂ یٰسٓشریف پڑھئے بلکہ ہو سکے تو