برکت سے اللہ پاک نے ہم 560قبر  والوں سے عذاب اُٹھالیا۔ ^{( [1] )}   

بَسُوئے کُوئے مدینہ بڑھو درود پڑھو !                                جو تم کو چاہئے جنّت پڑھو درود پڑھو !

   پیارے اسلامی بھائیو !  دیکھی آپ نے درودِ پاک کی برکت ! اَلْحَمْدُ للّٰہ ! ہمارا پیارا اللہ پاک اپنے محبوب نبی ، رسولِ ہاشمی صلی اللہ عَلَیْہِ وَ آلِہٖ سَلَّم سے بہت محبت فرماتا ہے ، اسی لئے تو اُس نے درودِ پاک میں ایسی برکات رکھی ہیں تاکہ بندے درودِ پاک پڑھتے رہیں ، محبوبِ رَبّ ، سلطانِ عرب صلی اللہ عَلَیْہِ وَ آلِہٖ وَسَلَّم کا ذِکْر ہوتا رہے اور بندوں کی بخشش کا سامان بھی ہوتا رہے۔ کاش ! ہم بھی کَثْرَت سے درودِ پاک پڑھنے کی عادَت بنا لیں۔ شعبانُ المعظّم میں تو بالخصوص کثرت سے درودِ پاک پڑھنا چاہئے کہ شعبانُ المعظّم ہے ہی درودِ پاک کا مہینا۔  شیخ شہابُ الدِّین حجازی رَحمۃاللہ عَلَیْہ لکھتے ہیں : بےشک شعبانُ المعظّم درود شریف پڑھنے کا مہینا ہے کہ آیتِ درود یعنی پارہ : 22 ، سُوْرَۂ اَحْزَاب کی مشہور آیتِ کریمہ

اِنَّ اللّٰهَ وَ مَلٰٓىٕكَتَهٗ یُصَلُّوْنَ عَلَى النَّبِیِّؕ-یٰۤاَیُّهَا الَّذِیْنَ اٰمَنُوْا صَلُّوْا عَلَیْهِ وَ سَلِّمُوْا تَسْلِیْمًا(۵۶) 

 ( پارہ : 22 ، سورۂ اَحْزاب : 56 )

ترجمہ کنزُ الایمان : بے شک اللہ اور اس کے فرشتے درود بھیجتے ہیں اس غیب بتانے والے  ( نبی ) پر اے ایمان والو ! ان پر درود اور خوب سلام بھیجو

یہ آیت شعبانُ المعظّم ہی میں نازِل ہوئی۔ ^{( [2] )}    

تیری اِک اِک ادا پر اے پیارے !                                          سَو درودیں فدا ، ہزار سلام

وہ سلامت رہا قیامت میں                                                                                   پڑھ لئے جس نے دِل سے چار سلام ^{( [3] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد