Book Name:Shab e Barat Kese Guzarain
ہمارے پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ سَلَّم نے فرمایا : اللہ کریم 4 راتوں میں بھلائیوں کے دروازے کھول دیتا ہے : ( 1 ) بقرہ عید کی رات ( 2 ) عیدالفطر کی رات ( 3 ) شعبان کی 15 وِیں رات کہ اس رات میں مرنے والوں کے نام ، لوگوں کا رزق اور حج کرنے والوں کے نام لکھے جاتے ہیں ( 4 ) عرفہ ( یعنی 9 ذُو الحج ) کی رات۔ ( [1] )
شُعَبُ الْاِیمان میں حدیثِ پاک ہے ، ہمارے آقا و مولیٰ ، مکی مدنی مصطفےٰ صلی اللہ عَلَیْہِ وَ آلِہٖ سَلَّم نے فرمایا : 15 شعبان کی رات ( یعنی شبِ براءَت کو ) ایک پُکارنے والا پُکارتا ہے : * ہے کوئی مغفرت چاہنے والا کہ اس کی مغفرت کی جائے * ہے کوئی مانگنے والا کہ اسے عطا کیا جائے ، پس بدکار عورت اور مشرک کے عِلاوہ جو بندہ جو بھی حاجت طلب کرتا ہے ، اس کی حاجت پُوری کر دی جاتی ہے۔ ( [2] )
شبِ براءَت آقا کریم کے مشاہدات
اِبْنِ عساکر میں ہے : ایک مرتبہ شبِ براءَت کو فرشتوں کے سردار حضرت جبریلِ امین عَلَیْہِ السَّلَام بارگاہِ رسالت میں حاضِر ہوئے اور عرض کیا : یارسولَ اللہ صلی اللہ عَلَیْہِ وَ آلِہٖ سَلَّم ! اُٹھئے ، نماز ادا فرمائیے کہ یہ وہ رات ہے جس میں رحمت کے 300 دروازے کھول دئیے جاتے ہیں ، اس رات میں * اللہ پاک کے ساتھ شریک ٹھہرانے والوں * آپس میں