Book Name:Shab e Barat Kese Guzarain
بغض و کینہ ( یعنی دِل میں دشمنی ) رکھنے والوں * شرابیوں اور بدکاروں کے عِلاوہ سب کی مغفرت کر دی جاتی ہے۔
چنانچہ پیارے آقا ، مدینے والے مصطفےٰ صلی اللہ عَلَیْہِ وَ آلِہٖ سَلَّم جنّتُ البقیع ( یعنی مدینۂ مُنَوَّرہ کے قبرستان ) میں تشریف لے گئے اور سَر مبارک سجدے میں رکھ کر یُوں دعا مانگی :
اَعُوْذُ بِعَفْوِكَ مِنْ عِقَابِكَ وَاَعُوْذُ بِرِضَاكَ مِنْ سَخَطِكَ وَ اَعُوْذُبِكَ مِنْكَ جَلَّ ثَنَاءُكَ لَا اَبْلُغُ الثَّنَاءَ عَلَيْكَ اَنْتَ كَمَا اَثْنَيْتَ عَلٰى نَفْسِكَ
ترجمہ : اے اللہ پاک ! میں تیرے عذاب سے تیری معافی ، تیری ناراضی سے تیری رضا اور تجھ سے تیری پناہ مانگتا ہوں۔ ( اے اللہ کریم ! ) تیری تعریف بلند ہے ، میں تیری تعریف کا حق ادا نہیں کر سکتا ، تیری حقیقی شان وہی ہے جو تُو نے خُود بیان فرمائی۔
پھر رات کے چوتھے پہر حضرت جبریلِ امین عَلَیْہِ السَّلَام دوبارہ حاضِرِ خِدْمت ہوئے اور عرض کیا : یارسولَ اللہ صلی اللہ عَلَیْہِ وَ آلِہٖ سَلَّم ! اپنا سَر مبارک آسمان کی طرف اُٹھائیے ! پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ سَلَّم نے سَرِ اَقْدَس آسمان کی طرف اُٹھایا تو دیکھا کہ رَحْمت کے دروازے کھلے ہوئے ہیں ، ہر دروازے پر ایک فرشتہ اِعْلان کر رہا ہے * پہلے دروازے کا فرشتہ پُکار رہا تھا : اس رات میں عبادت کرنے والے کو مبارک ہو * دوسرے دروازے کا فرشتہ اعلان کر رہا تھا : مبارک ہو اسے جو اس رات میں سجدہ کرے * تیسرے دروازے کا فرشتہ کہہ رہا تھا : اس رات میں رکوع کرنے والے کو مبارک ہو * چوتھے دروازے کا فرشتہ پُکار رہا تھا : اس رات