Book Name:Agle Pichhlon Ko Naseehat
نافِع و دافِع ہو تم شافِع و رافِع ہو تم تم سے بس اَفزوں خُدا تم پہ کروروں درود ( [1] )
صَلُّوْا عَلَی الْحَبِیْب ! صَلَّی اللہ عَلٰی مُحَمَّد
اللہ پاک فرماتا ہے :
وَ لَقَدْ وَصَّیْنَا الَّذِیْنَ اُوْتُوا الْكِتٰبَ مِنْ قَبْلِكُمْ وَ اِیَّاكُمْ اَنِ اتَّقُوا اللّٰهَؕ
( پارہ : 5 ، سورۂ نسآء : 131 )
ترجَمہ کنز الایمان : اور بےشک تاکید فرما دی ہے ہم نے ان سے جو تم سے پہلے کتاب دئیے گئے اور تم کو کہ اللہ سے ڈرتے رہو۔
ہمارے خالِق ، ہمارے مالِک ، ہمارے پیارے اللہ پاک نے مجھے ، آپ کو ، ہمیں اور ہم سے پہلی اُمّتوں کو غرض سب انسانوں کو ایک نصیحت ، ایک وَصِیَّت فرمائی ، اس آیتِ کریمہ میں اسی نصیحت کا بیان ہے ، وہ نصیحت کیا ہے ؟ فرمایا : اَنِ اتَّقُوا اللّٰهَؕ تقویٰ اِخْتیار کرو ! اللہ پاک سے ڈرتے رہو۔
اے عاشقانِ رسول ! ذرا غور فرمائیے ! اللہ رَبُّ العالمین ہے ، اللہ پاک تمام جہانوں کا پالنے والا ہے ، اللہ پاک بندوں کے لئے سب سے بڑھ کر مہربان ، رحم فرمانے والا ہے ، وہ اللہ پاک اپنے بندوں کو تقویٰ کی نصیحت فرماتا ہے ، اگر بندے کے لئے تقویٰ کے عِلاوہ کوئی اور چیز زیادہ فائدے مند ، زیادہ بھلائی والی ہوتی تو اللہ پاک اپنے بندوں کو ضرور اسی کی تاکید فرماتا مگر اللہ پاک نے تقویٰ اختیار کرنے کی نصیحت فرمائی ، تمام اَوَّلِیْن و آخرین کو