Book Name:Ramzan Kaise Guzare
جن کے ذریعے تم اپنے رَبِّ کریم کوراضی کرلوگے ، وہ دوباتیں یہ ہیں : ( 1 ) لَآاِلٰہَ اِلَّا اللہ کی گواہی دینا ( 2 ) اِستِغْفارکرنا اور وہ دو باتیں جن سے تم بےنیاز نہیں وہ یہ ہیں : ( 1 ) اللہ پاک سے جنّت طَلَب کرنا ( 2 ) جہنّم سے پناہ طلب کرنا۔ ( [1] )
( 2 ) ارشاد فرمایا : رَمَضان میں ذکرُ اللہ کرنے والے کو بخش دیا جاتا ہے اور اِس مہینے میں اللہ پاک سے مانگنے والا محروم نہیں رہتا۔ ( [2] )
صَلُّوْا عَلَی الْحَبِیْب ! صَلَّی اللہ عَلٰی مُحَمَّد
ماہِ رَمَضان میں تلاوت کی کثرت کیجئے
پیارے پیارے اسلامی بھائیو ! ہم ماہِ رَمَضان نیکیوں میں گزارنے کے بارے میں سُن رہے تھے کہ خوب نمازوں اور روزوں کا اہتمام کرنا ہے ، جنت کی طلب اور جہنم سے نجات کی دعائیں مانگنی ہیں ، اسلامی بھائیوں کے ساتھ بھلائی کرنی ہے ، صبر کا دامن تھامے رکھنا ہے ، ذکر و اَذکار اور کثرت سے اِسْتِغْفار کرنا ہے بالخصوص دیگر نیکیوں کے ساتھ ساتھ قرآنِ کریم کی تلاوت کی بھی کثرت کرنی ہے ، اے کاش ! ہم ماہِ رَمَضان کے اکثر اوقات تلاوتِ قرآن میں مصروف رہ کر گزارنے میں کامیاب ہوجائیں ، ہمارے پیارے آقا ، مکی مَدَنی مصطفےٰ صَلَّی اللہ عَلَیْہِ واٰلِہٖ وَسَلَّمَ نے بارہا تلاوتِ قرآن کی ترغیب بھی دلائی اور اس کے فضائل بھی ارشاد فرمائے۔آئیے دو ( 2 ) فرامینِ مصطفےٰ سنتے ہیں :