نفس کا تزکیہ کیسے کریں ؟

اے عاشقانِ رسول ! تزکیۂ نفس یعنی ( نفسِ اَمَّارہ کو سدھارنے کے طریقےجاننا ) بہت ضروری ہے ، ورنہ  یہ ظالِم نفس ہمیں اس دُنیا کی فانی لذّتوں میں پھنسا کر ، گُنَاہوں کا عادِی بنا کر ، نافرمانی کی راہوں پر چلا کر جہنّم کی گہری کھائی میں گِرا دے گا ، اس لئے ابھی موقع ہے ، ہم دوسروں کے عیب ڈھونڈنے ، دوسروں کے اَخْلاق و کردار میں کِیْڑے نکالنے کی بجائے ، اپنے آپ پر تَوَجُّہ دیں اور خُود کو سدھارنے کی فِکْر میں لگ جائیں۔

بڑے مُوذی کو مارا نفسِ اَمّارہ کو گر مارا                             نِہَنگ   و اَژدہا و شیرِ نَر مارا تو کیا مارا

وضاحت : مگرمچھ ، سانپ اورشیر مارناکوئی بڑی بات نہیں بڑا کام تو نفسِ امارہ کو مارنا یعنی گناہوں سے رُکنا ہے۔

اَفْضَل ترین عَمَل

حضرت ابوسُلیمان دارانی رَحمۃُ اللہ عَلَیْہ  فرماتے ہیں : نَفْس کی مخالَفت افضل ترین عمل ہے۔ ^{( [1] )}  

اللہ  اللہ  کے  نبی  سے                                                                                                                               فریاد ہے نفس کی بدی سے

ایمان پہ موت بہتر او نفس                                                                                     تیری  ناپاک  زندگی سے

نفس کا زور توڑنے کا بہترین موسَم

پیارے اسلامی بھائیو ! اللہ پاک کا بڑا کرم ہے کہ اس نے ہم گنہگاروں کو ماہِ رمضان کی نعمت عطا فرمائی ہے ، ماہِ رمضان نفس کازور توڑنے کا بہترین موسم ہے۔  اگر ہم صحیح معنوں میں رمضان المبارک کی قدر کریں ، جس طرح ماہِ رمضان گزارنا چاہئے ، اسی طرح