اے عاشقانِ رسول ! تکریم  ( یعنی عزت و بزرگی  ) کے جتنے بھی کام ہوتے سب ہمارے پیارے آقا صَلَّی اللہ عَلَیْہِ وَ آلِہٖ وَسَلَّم سیدھی جانب سے شروع کیا کرتے ، لہٰذا پہلے سیدھی آنکھ میں سرمہ لگائیے پھر اُلٹی میں۔ ^{( [1] )}

عجب نہیں کہ لکھا لوح کا نظر آئے !                                        جو نقشِ پا کا لگاؤں غبار آنکھوں میں ^{( [2] )}

یاد رہے ! روزہ ہو تو  آنکھوں  میں سُرمہ ڈالنے سے روزہ نہیں ٹوٹتا ، بلکہ نبئ رحمت ، شفیعِ اُمّت صَلَّی اللہ عَلیہ وَآلہٖ و َسَلَّم نے  اپنے صحابی کو روزے کی حالت میں سُرمہ ڈالنے کی اجازت عطا فرمائی۔

مختلف سنتیں سیکھنے کے لئے مکتبۃالمدینہ کی بہارشریعت جلد : 3 ، حصہ : 16 ، اور شیخ طریقت ، امیرِ اہلسنت دَامَتْ بَرَکَاتُہُمُ الْعَالِیَہ کا91 صفحات کا رسالہ550سنّتیں اور آداب خرید فرمائیے اور پڑھئے ، سنتیں سیکھنے کا ایک بہترین ذریعہ دعوتِ اسلامی کے مدنی قافلوں میں عاشقانِ رسول کے ساتھ سنتوں بھراسفر بھی ہے۔

اُلفتِ مصطفےٰ اور خوفِ خُدا                                                                                 چاہیے گر تمہیں قافلے میں چلو

عِلْم حاصِل کرو ، جَہْل زائِل کرو                                                               پاؤ گے راحتیں قافلے میں چلو ^{( [3] )}

اللہ پاک ہمیں عمل کی توفیق عطا فرمائے۔ آمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔

  دعوتِ اسلامی کے ہفتہ واراجتماع میں پڑھے جانے والے

6 دُرودِ پاک اور 2 دُعائیں

 ( 1 ) شبِ جُمعہ کادُرُود

اَللّٰہُمَّ صَلِّ وَسَلِّمْ وَبَارِکْ عَلٰی سَیِّدِنَا مُحَمَّدِ نِالنَّبِیِّ الْاُمِّیِّ