پیچھا مرا دُنیا کی محبّت سے چُھڑا دے                                         یارَبّ مجھے دیوانہ مدینے کا بنا دے

روتا ہوا جس وقت میں دربار میں پہنچوں                     اس وقت مجھے جلوۂ محبوب دکھا دے

دِل عشقِ مُحَمَّد میں تڑپتا رہے ہر دَم                                 سینے کو مدینہ مرے اللہ بنا دے

ایمان پہ دے موت مدینے کی گلی میں                             مدفن مرا محبوب کے قدموں میں بنا دے

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

صحابہ کرام اور کیفیتِ جذب

پیارے اسلامی بھائیو ! صحابۂ کرام علیہم ُالرِّضْوَان کو جو عشقِ رسول کی لازوال دولت نصیب تھی ، اس کا ایک حَسِیْن پہلو صحابۂ کرام  علیہم ُالرِّضْوَان  کی حالتِ جذب بھی ہے۔ یعنی صحابۂ کرام  علیہم ُالرِّضْوَان عشقِ رسول کے اس بلند مقام پر پہنچے ہوئے تھے کہ عشقِ رسول ان کی طبیعتوں کا حِصّہ بن چکا تھا ، ان کی یہ حالت تھی کہ یہ پیارے آقا ، مکی مدنی مصطفےٰ   صَلَّی اللہ عَلَیْہِ وَ آلِہٖ وَ سَلَّم کی جو کیفیت دیکھتے تھے ، ان پر بھی وہی کیفیت طاری ہو جایا کرتی تھی مثلاً جب یہ پیارے آقا ، نورِ خُدا  صَلَّی اللہ عَلَیْہِ وَ آلِہٖ وَ سَلَّم کو مسکراتا دیکھتے تو ان کے چہروں پر بھی بےاختیار مسکراہٹ پھیل جایا کرتی تھی ، اسی طرح جب یہ رسولِ اکرم ،  نورِ مُجَسَّم  صَلَّی اللہ عَلَیْہِ وَ آلِہٖ وَ سَلَّم کی مبارک آنکھوں میں آنسو دیکھتے تو ان کی آنکھوں سے بھی بلا اختیار آنسو بہنا شروع ہو جایا کرتے تھے۔

روایات میں ہے : ایک مرتبہ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم سَفَر پر تھے ، صحابۂ کرام  علیہم ُالرِّضْوَان  آپ کے ساتھ تھے ، دورانِ سَفَر آپ صَلَّی اللہ عَلَیْہِ وَ آلِہٖ وَ سَلَّم کا گزر مقامِ اَبْواء سے ہوا  ( مقامِ اَبْواء وہ مقام ہے جہاں پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی