عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

وہی الیاس جودین کی خدمت میں مَصْرُوف ہیں

تحصیل شاہ بندر ، ضلع ٹھٹھہ ، بابُ الْاِسلام سندھ پاکستان کے ایک پیر صاحِب تھے ، بڑے عاجزی والے ، تقویٰ و پرہیز گاری کے پیکر نیک بزرگ تھے ، ان کے قریبی مریدوں کا کہنا ہے : ایک دِن آپ نے ہمیں قریب بلایا اور فرمایا : رات میں سویا تو میری قسمت جاگ اُٹھی ، کیا دیکھتا ہوں کہ میرے پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم جلوہ فرما ہیں اور آپ نے کسی خوش نصیب کو اپنے دامن میں بڑی محبّت سے چھپا رکھا ہے۔میں نے عرض کیا : یا رسولَ اللہ صَلَّی اللہ عَلَیْہِ وَ آلِہٖ وَ سَلَّم ! یہ آپ کے دامن میں کون خوش نصیب ہیں ؟ میری عرض سن کر پیارے نبی ، رسولِ ہاشمی ، مکی مدنی صَلَّی اللہ عَلَیْہِ وَ آلِہٖ وَ سَلَّم  کے مبارک ہونٹوں پر مسکراہٹ پھیل گئی اور فرمایا : یہ میرے دیوانے الیاس  عطارقادری کے والد ہیں ، وہی الیاس جو دِینِ اسلام کی خدمت میں مَصْرُوف ہے۔

نام تیرا تو یونہی نہ عطّار ہے                                                                          تُونے سُنّت کی  پھیلائی مہکار ہے

ساتھ تیرے تو محبوبِ غفّار ہے                                                        ربّ کی تجھ پہ یہ رحمت سلامت رہے ^{( [1] )}

اُن پِیر صاحِب کے قریبی مرِیدوں کا کہنا ہے کہ اس خواب کے بعد ہمارے پیر صاحِب کے دِل میں شیخ طریقت، امیرِ اہلسنت مولانا الیاس عطّار قادری صاحِب دَامَت برکاتہم العالیہ سے ملنے کا بہت شوق ہو گیا اور امیرِ اہلسنت سے اُن کی محبّت کچھ ایسی ہو گئی تھی