Book Name:Ameer e Ahl e Sunnat Ka Ishq e Rasool
صحابہ کرام کی آقا کریم کے ساتھ وابستگی
پیارے اسلامی بھائیو ! صحابۂ کرام علیہم ُالرِّضْوَان کے مزاجِ عشقِ رسول کا ایک اور پہلو سنیئے ! صحابۂ کرام علیہم ُالرِّضْوَان کا یہ بھی بہت نِرالا ، بہت پیارا انداز تھا کہ یہ حضرات اپنی خوشی غمی میں پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کوشریک کیا کرتے تھے ، ان کے لئے کوئی خوشی اس وقت تک خوشی ہوتی ہی نہیں تھی ، جب تک رسولِ خُدا ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم اس میں شریک نہ ہو جاتے۔ * حضرت بی بی اُمِّ سلیم رَضِیَ اللہ عنہا صحابیہ ہیں ، مشہور صحابئ رسول حضرت اَنَس بن مالِک رَضِیَ اللہ عنہ کی والدہ محترمہ ہیں ، حضرت اَنَس بن مالِک رَضِیَ اللہ عنہ کے چھوٹے بھائی حضرت عبد اللہ کی جب وِلادت ہوئی ، حالانکہ ان کی ولادت رات کو ہوئی تھی مگر حضرت اُمِّ سلیم رَضِیَ اللہ عنہا کے عشق کے قربان... ! ! انہوں نے سب گھر والوں کو کہہ دیا کہ کوئی بھی میرے ننھے بیٹے کو کچھ نہ کھلائے ، اسے گھٹی بھی محبوب نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم دیں گے ، چنانچہ صبح تک ننھے بچے کو کچھ نہ کھلایا گیا ، جب صبح ہوئی ، تب اس نومولود کو بارگاہِ رسالت میں پیش کیا گیا ( [1] ) آپ صَلَّی اللہ عَلَیْہِ وَ آلِہٖ وَ سَلَّم نے انہیں کھجور کھلائی اور ان کا نام عبد اللہ رکھا۔ ( [2] )
ایسے اور بہت سارے واقعات ہیں ، صحابۂ کرام علیہم ُالرِّضْوَان کو وہ خوشی پھیکی معلوم ہوتی تھی ، جس خوشی میں محبوبِ خُدا ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم شریک نہیں ہوتے تھے۔ اسی طرح غم کی کیفیات میں صحابۂ کرام علیہم ُالرِّضْوَان کا مزاج تھا کہ دامنِ مصطفےٰ میں