اور یوں آہستہ آہستہ  وہ عاشقانِ رسول کی دینی تحریک دعوتِ اسلامی کے دینی ماحول سے وابستہ ہو گئیں ، امیر ِاہلِ سنت کے مدنی مذاکروں کی تو کیا برکتیں ظاہر ہوئیں اُنہوں نے مدنی بُرقع پہننا شروع  کر دیا اور دعوتِ اسلامی کے دینی کاموں میں حصہ لینے لگ گئیں ، اللہ پاک کےفضل و کرم سے اُنہیں فیضانِ شریعت کورس کی مُعلّمہ ( ٹیچر )  بننےکی بھی سعادت ملی۔ اُنہیں دعوتِ اسلامی کےدینی ماحول میں وہ کچھ ملا جو بیان سے باہَر ہے وہ اپنا حلفاً بیان دیتے ہوئے کہتی ہیں کہ اُنہیں خواب میں 9مرتبہ اللہ پاک کے آخری نبی ، مکی مدنی ، مُحَمَّدِعربی صَلَّی اللہ عَلَیْہِ وَ آلِہٖ وَ سَلَّم کی زیارت نصیب ہوئی ، جس میں 2 مرتبہ اِس طرح دیدارِ مصطفےٰ ہوا کہ زمانے کے وَلی ، امیر ِاہلِ سنت  بارگاہِ رسالت صَلَّی اللہ عَلَیْہِ وَ آلِہٖ وَ سَلَّم میں حاضِر تھے اور حضورِ پاک صَلَّی اللہ عَلَیْہِ وَ آلِہٖ وَ سَلَّم امیرِ اہلِ سنت سے بہت خوش دِکھائی دے رہے تھے ، الحمدلِلّٰہ ! یہ ایمان اَفروز منظر دیکھ کر اُن کا عقیدہ مضبوط ہو گیا کہ مسلک ِ حق اہل ِسنت ، مسلکِ اعلیٰ حضرت ہی دُرست ہے۔

خوفِ خدا وعشقِ مصطفےٰ                                                                                                    علم وعمل اِصلاحِ معاشرہ

فقہِ شریعت وطریقت کا                                                                                                ہے مجموعہ مدنی مذاکرہ

اللہ پاک ہمیں وقت کے اس پیرِ کامِل ، سچّے عاشِقِ رسول یعنی شیخِ طریقت ، امیر ِاہلسنت علّامہ مولانا محمد الیاس عطّار قادری دَامَت برکاتہم العالیہ کے دامن سے وابستہ ہونے ، آپ کا فیضان لوٹنے اور ان کے صدقے عشقِ رسول کی دولت پانے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔