دعوت کا یہ دینی پیغام دُنیا  بھر میں پہنچ گیا۔

اے امیرِ اہلسنت تیری شوکت زندہ باد

تجھ سے دُنیا بھر میں ہے دِیں کی اشاعت زندہ باد

تیرے دَم سے آئی وہ دِین و شریعت کی بہار

اعلیٰ حضرت زندہ اور صدرِ شریعت زندہ باد

تیری مجلس میں گئے جو بن گئے صالح سعید

نوجواں پر ہو ترا فیضانِ صحبت زندہ باد

گوشہ گوشہ دنیا کا ہونے لگا ہے فیض یاب

عام   ہر   سُو   ہو   گیا   فیضانِ   سُنَّت   زندہ   باد ^{( [1] )}

صَلُّوْا عَلَی الْحَبِیْبِ !                                                صَلَّی اللہ عَلٰی مُحَمَّد

عشقِ رسول ایمان کی جان ہے

پیارے اسلامی بھائیو ! اس میں کوئی شک نہیں کہ عشقِ رسول ایک لازوال دولت ، اَصْلِ ایمان بلکہ ہمارے اِیْمان کی جان ہے۔اللہ پاک قرآنِ کریم میں فرماتا ہے :

قُلْ اِنْ كَانَ اٰبَآؤُكُمْ وَ اَبْنَآؤُكُمْ وَ اِخْوَانُكُمْ وَ اَزْوَاجُكُمْ وَ عَشِیْرَتُكُمْ وَ اَمْوَالُ اﰳقْتَرَفْتُمُوْهَا وَ تِجَارَةٌ تَخْشَوْنَ كَسَادَهَا وَ مَسٰكِنُ تَرْضَوْنَهَاۤ اَحَبَّ اِلَیْكُمْ مِّنَ اللّٰهِ وَ رَسُوْلِهٖ وَ جِهَادٍ فِیْ سَبِیْلِهٖ فَتَرَبَّصُوْا حَتّٰى یَاْتِیَ اللّٰهُ بِاَمْرِهٖؕ-وَ اللّٰهُ لَا یَهْدِی الْقَوْمَ الْفٰسِقِیْنَ۠(۲۴)   ( پارہ : 10 ، سورۂ توبہ : 24 )

ترجمہ کَنْزُ العرفان : تم فرماؤ : اگر تمہارے باپ اور تمہارے بیٹے اور تمہارے بھائی اور تمہاری بیویاں اور تمہارا خاندان اور تمہاری کمائی کے مال اور وہ تجارت جس کے نقصان سے تم ڈرتے ہو اور