اللہ پاک ! ہمیں حج شریف اور دِیارِ مدینہ و تاجدارِ مدینہ صَلَّی اللہ عَلَیْہِ وَ آلِہٖ وَ سَلَّم کی دید کی مَدَنی عید بار بار نصیب فرما۔

اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔

تِری جبکہ دید ہو گی جبھی میری عید ہو گی                                                     مِرے  خواب  میں  تُو  آنا  مَدَنی  مدینے  والے ^{( [1] )}

میں عید کی نَماز بھی نہیں پڑھتا تھا

پیارے اسلامی بھائیو ! مسلمانوں کا خیر خواہ اور نیک نَمازی بننے کے لئے عاشقانِ رسول کی دینی تحریک دعوتِ اسلامی کے دینی ماحول سے وابستہ ہو جائیے ! عاشقانِ رسول کے ساتھ مدنی قافلوں کا مُسافِر بننے کا بھی معمول بنا لیجئے ! اِنْ شَآءَ اللہ الْکَرِیْم ! اس کی خوب برکتیں نصیب ہوں گی۔

کراچی کے ایک اسلامی بھائی کا بیان ہے : میں 5 وقت کی نَماز تو دُور کی بعد جمعہ اور عید کی نَماز بھی نہیں پڑھتا تھا ، رات گئے تک فلمیں ، ڈرامے دیکھتے رہنا میرا معمول تھا ، پھر میری اصلاح کا سامان یُوں ہوا کہ ایک بار مجھے رمضانُ الْمُبارَک میں اعتکاف کی سَعَادت حاصِل ہوئی ، اس کے ساتھ ہی میں عاشقانِ رسول کے ساتھ 3 دِن کے مدنی قافلے کا بھی مُسَافِر بنا ، بس اسی کی برکت سے مجھے دعوتِ اسلامی کا دینی ماحول نصیب ہوا اور میں پانچوں نَمازیں پڑھنے والا ہی نہیں بلکہ دوسروں کو نَمازوں کی دعوت دینے والا بھی بن گیا۔

اچھّی صحبت ملے ، خوب برکت ملے                                       چل پڑو چل پڑیں قافِلے میں چلو !

بے عمل با عمل بن گئے  خاص کر                                            آپ بھی دیکھ لیں قافِلے میں چلو !

بے شک اعمالِ بد اور افعالِ بد                                                            کی چھٹیں عادتیں ، قافِلے میں چلو !