داتا گنج بخش علی ہجویری رحمۃُ اللہ عَلَیْہ  فرماتے ہیں : محبّتِ اِلٰہی  ایک خاص صِفَت ہے ، جو فرمانبردار مؤمن کے دِل میں ظاہِر ہوتی ہے ، اس کی بدولت بندہ محبوبِ حقیقی  ( یعنی اللہ پاک )  کی رضا چاہتا ، اس کے دیدار کی خواہش کرتا ، اس کا قرب پانے کی آرزو میں بےچین رہتا ، اسی کا ذِکْر کرتا ہے اور اپنی خواہشات چھوڑ کر اُس کے حکم کے سامنے سر جھکا لیتا ہے۔ ^{( [1] )}   

اللہ و رسول کی محبّت فرض ہے

حُجَّۃُ الْاِسْلام امام محمدبن محمد غزالی رحمۃُ اللہ عَلَیْہ  فرماتے ہیں : اُمَّت اس بات پر متفق ہے کہ اللہ پاک اور اس کے رسول صَلَّی اللہ عَلَیْہِ وَ آلِہٖ وَ سَلَّم کی محبّت فرض ہے۔ ^{( [2] )}  قُوْتُ الْقُلُوب میں ہے : ہرمؤمن اللہ پاک سے محبّت کرنے والا ہے ، البتہ ہر ایک کی محبّت اس کے ایمان کی پختگی کے مطابق کم زیادہ ہوتی ہے۔ ^{( [3] )}  

محبّت میں اپنی گما یااِلٰہی                                                                                                              نہ پاؤں میں اپنا پتا یااِلٰہی !

رہوں مست و بےخُود میں تیری وِلا میں                               پِلا جام ایسا پِلا یااِلٰہی !

مرے دِل سے دُنیا کی چاہت مٹا کر                                                  کر اُلْفت میں اپنی فنا یااِلٰہی !

تُو اپنی وِلایت کی خیرات دیدے                                                                مرے غوث کا واسطہ یااِلٰہی !

مِراہرعَمَل بس ترے واسطے ہو                                                                     کر   اِخْلاص   ایسا   عطا   یااِلٰہی ! ^{( [4] )}

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد