سُبْحٰنَ اللہ ! کیا نِرالی شان ہے... ! !  ہمارے ہاں جب جانور کو قربانی کے لئے لایا جاتا ہے تو وہ چُھوٹ کر بھاگنے کی کوشش کرتا ہے ، کئی مرتبہ تو بڑا جانور چُھوٹ کر بھاگ بھی جاتا ہے اور کافِی نقصان کر ڈالتا ہے مگر ہمارے آقا و مولیٰ ، مکی مدنی مصطفےٰ صلّی اللہ ُ عَلَیْہِ وَ آلِہٖ وَسَلَّم کی نِرالی شان پر ہزار جانیں قربان... ! !  یقیناً ہرایک کو جان پیاری ہوتی ہے مگریہ کمال ہے آمنہ کے لال ، رسولِ بےمثال صلّی اللہ ُ عَلَیْہِ وَ آلِہٖ وَسَلَّم کا کہ جانور بھی آپ کے کرم والے ہاتھ سے قربان ہونے کو زِندگی سے بہتر جانتے ہیں۔

ہر اِک کی آرزو ہے پہلے مجھ کو ذَبح فرمائیں                                 تماشا کر رہے ہیں مرنے والے عیدِ قرباں میں ^{( [1] )}

پیارے اسلامی بھائیو ! !  عشق والوں کے انداز نِرالے ہیں ، یہاں سچّے عاشقِ رسول ، شیخِ طریقت ، امیر اہلسنت مولانا الیاس قادری دَامَت بَرَکاتہمُ الْعَالِیَہ کا جذبہ دیکھئے ! لکھتے ہیں :

اُونٹ بن گیا ہو تا اور عیدِ قرباں میں                                                          کاش ! دستِ آقا سے نحر ہو گیا ہوتا

کاش ! ایسا ہو جاتا خاک بن کے طیبہ کی                                                 مصطفےٰ کے قدموں سے میں لپٹ گیاہوتا ^{( [2] )}

اللہ کریم ہم سب کوعشقِ رسول کی ایسی باکمال نعمت نصیب فرمائے۔

 اٰمِیْن بِجَاہِ  خَاتَمِ النَّبِیّٖن  صلّی اللہ ُ عَلَیْہِ وَ آلِہٖ وَسَلَّم ۔ 

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

 عِیْدِقرباں جذبہ  اِیْثار کا اِظْہار ہے

پیارے اسلامی بھائیو ! الحمد للہ ! آج یَوْمُ النَّحر  ( یعنی قربانی کا دِن )  ہے ، آج وہ مبارک دِن ہے کہ جس دِن اللہ پاک کے پیارے خلیل حضرت ابراہیم  عَلَیْہ السَّلام نے محبّتِ اِلٰہی کا