تُو نے باطِل کو  مٹایا اے امام احمد رضا !                      دِین کا ڈنکا بجایا اے امام احمد رضا !

اَہْلِ سُنّت کا چمن سرسبز تھا ، شاداب تھا              تازگی تُو اور لایا اے امام احمد رضا !

تُو نے باطِل کو مٹا کر دِین کو بخشی جِلا                                       سُنّتوں کو پِھر جِلایا اے امام احمد رضا !

صَلُّوْا عَلَی الْحَبِیْبِ !                                                                                                صَلَّی اللہُ عَلٰی مُحَمَّد

سُوْرَۂِ وَالضُّحٰی کی تفسیر

اے عاشقانِ اعلیٰ حضرت ! اعلیٰ حضرت  رَحمۃُ اللہِ عَلَیْہ جتنے بڑے عالِم تھے ، آپ جتنے عُلوم پر مہارت رکھتے تھے ، اگر آپ قرآنِ کریم کی تفسیر لکھتے تو شاید ہزاروں صفحات پر مشتمل بےمثال تفسیر لکھی جاتی مگر آپ فتنوں کو مٹانے اور دِین کی تجدید فرمانے میں اتنے مَصْرُوف رہے کہ تفسیر لکھنے کا وقت ہی نہ مل سکا۔  ایک مرتبہ مُحِبِّ رسول  شاہ عبد القادِر  رَحمۃُ اللہِ عَلَیْہ کے عرس شریف کا موقع تھا ، اعلیٰ حضرت  رَحمۃُ اللہِ عَلَیْہ بھی تشریف لائے ، اس موقع پر آپ نے سُوْرۂ وَالضُّحٰی کی تفسیر بیان کرتے ہوئے  پُورے 6 گھنٹے کا خِطاب فرمایا۔ پِھر آخر میں فرمایا : میں نے اس سورتِ مبارکہ کی کچھ آیاتِ کریمہ کی تفسیر لکھنی شروع کی تو 80 جُز لکھ کر چھوڑ دیا ، اتنا وقت کہاں سے لاؤں کہ پُورے قرآنِ پاک کی تفسیر لکھ سکوں۔  ^{( [1] )}  

اللہُ اَکْبَر ! اندازہ کیجئے ! سُوْرۂ وَالضُّحٰی کی صِرْف 11 آیات ہیں ، اس کی بھی صِرْف چندآیات کی تفسیر اعلیٰ حضرت رَحمۃُ اللہِ عَلَیْہ نے لکھی تو 80 جُز ہو گئے ، یہ بھی ابھی مکمل نہیں تھے بلکہ آپ رَحمۃُ اللہِ عَلَیْہ بےشُمار دینی مصروفیات کے سبب یہ کام مزیدکر نہیں پائے ، اس