سے اندازہ لگائیے ! اعلیٰ حضرت رَحمۃُ اللہِ عَلَیْہ عُلُومِ قرآن میں کتنی مہارت رکھتے تھے... ! !  

حشر تک جاری رہے گا فیض مُرشد آپ کا      فیض کا دریا بہایا اے امام احمد رضا

اے امام ِ اہل سنّت نائِب شاہِ اُمم                                       کیجئے ہم پر بھی سایہ اے امام احمد رضا ^{( [1] )}

اگرچہ اعلیٰ حضرت  رَحمۃُ اللہِ عَلَیْہ دِینی کاموں میں انتہائی مَصْرُوف رہتے تھے ، پِھر بھی آپ نے وقتاً فوقتاً تفسیر پر کام کیا ، آپ کی درجن کے قریب کتابیں وہ ہیں ، جو کسی نہ کسی آیتِ کریمہ کی تفسیر پر مشتمل ہیں۔

اگلوں نے تو لکھا ہے بہت عِلْمِ دین پر                        جو کچھ ہے اس صدی میں وہ تنہا رضا کا ہے

صَلُّوْا عَلَی الْحَبِیْبِ !                                                                                                صَلَّی اللہُ عَلٰی مُحَمَّد

اعلیٰ حضرت اور ترجمہ کنز الایمان

پیارے اسلامی بھائیو ! اعلیٰ حضرت رَحمۃُ اللہِ عَلَیْہ نے قرآنِ کریم کی جو بےمثال و لازوال خِدْمات کی ہیں ، ان میں ایک بہت ہی شاندار خِدْمت ترجمۂ قرآن کنز الایمان شریف بھی ہے۔

یہ بےمثال ترجمۂ قرآن کسی کرامت سے کم نہیں ہے ، یہ ظاہِر میں صِرْف ترجمہ ہے لیکن حقیقت ( Reality )  میں دیکھا جائے تو قرآن ، حدیث اور 14 صدیوں میں لکھی گئی بڑی بڑی تفاسیر کا خُلاصہ ہے۔ کنز الایمان سے پہلے بھی قرآنِ کریم کے کئی ترجمے لکھے جا چکے تھے مگر ان میں کسی نہ کسی اعتبار سے کچھ نہ کچھ کمیاں موجود تھیں لیکن کنز الایمان شریف قرآن کریم کا واحِد اُرْدُو ترجمہ ہے کہ جب سے لکھا گیا ہے ، اس وقت سے لے کر