خودی کو مٹاتا ، خُدا سے مِلاتا                                                                              ہمارا رضا ہے ، ہمارا رضا ہے

پیارے اسلامی بھائیو ! یہ ہے ترجمہ کنز الایمان کی شان... ! !  الحمد للہ ! قرآنِ کریم کو دُرُست انداز سے سمجھنا ہو تو ترجمہ کنز الایمان شریف پڑھیئے ! اِنْ شَآءَ اللہُ الْکَرِیْم ! قرآنِ کریم کا نُور نصیب ہو گا۔

دعوتِ اسلامی اور ترجمہ کنز الایمان

الحمد للہ ! دعوتِ اسلامی فیضان رضا ہے ، دعوتِ اسلامی نے کنز الایمان شریف کی بھی بہت خِدْمت کی ہے اور مزید کر رہی ہے۔ اللہ پاک کے فضل سے آج کے دور میں کنز الایمان شریف کو عوام میں مشہور کرنے میں دعوتِ اسلامی نے بڑا کردار ادا کیا ہے ، عاشقِ اعلیٰ حضرت ، شیخِ طریقت ، امیر اہلسنت دامت بَرَکاتُہمُ العالیہ کی اب بھی عادتِ کریمہ ہے کہ آپ اپنے بیانات میں ، مدنی مذاکروں وغیرہ میں عموماً آیات کا ترجمہ کنز الایمان ہی سے بیان کرتے ہیں۔

الحمد للہ ! دعوتِ اسلامی کے علمی و تحقیقی ادارے المدینۃ العلمیہ نے کنز الایمان شریف پر کام کر کے اسے بہت خوبصُورت انداز میں شائع بھی  کیا ہے۔ * کنز الایمان شریف چونکہ ایک صدی پہلے لکھا گیا تھا ، اُس وقت کی جو اردو تھی ، وہ مشکل تھی جبکہ آج کل تو آسان اُردو بھی ہر ایک کو سمجھ نہیں آتی ، اس لئے ضرورت تھی کہ کنز الایمان شریف کو قدرے آسان کیا جائے ، الحمد للہ ! دعوتِ اسلامی کو یہ سعادت بھی ملی ، اللہ پاک کے فضل و کرم سے اب مکتبۃ المدینہ پر آسان ترجمہ قرآن کنز العرفان بھی آ چکا ہے * کنز العرفان یہ کنز الایمان شریف ہی کی تسہیل ہے ، اس میں کنز الایمان شریف ہی کو آسان کر کے