شِفا ملنے کے بھی سینکڑوں واقعات ہیں * ایسا بھی ہوا کہ مدنی قافلے میں سَفَر کرنے والے عاشقانِ رسول کی حوصلہ افزائی کے لئے پیارے آقا ، مکی مدنی مصطفےٰ صَلَّی اللہُ عَلَیْہِ وَ آلِہٖ وَسَلَّم  نے کرم فرمایا ، خواب میں تشریف لائے اور شرکائے قافلہ کو دیدار کا جام پلا دیا * ہم مدنی قافلے میں سَفَر کریں ، کیا معلوم ہم پر بھی کرم ہو جائے۔ کم از کم ہر ماہ 3 دِن کے مدنی قافلے میں سَفَر کی نِیّت کر لیجئے !

شرابی سُدھرگیا

ہندکے اسلامی بھائی کے بیان کا خلاصہ ہے : دعوتِ اسلامی کے دینی ماحول سے وابستگی سے پہلے شراب نوشی ، عَیّاشی اور شورشرابا کرنا ، گالیاں دینا ، والدین اور محلے داروں کو تنگ کرنا ، جُواکھیلنا میرا معمول تھا۔ایک دن دعوتِ اسلامی کے ایک ذِمَّہ دار اسلامی بھائی نے سمجھاتے ہوئے مجھے مدنی قافلے میں سَفَر کرنے کی ترغیب دِلائی۔ان کی ترغیب پر میں3 دن کے مدنی قافلے کا مسافِر بن گیا۔ مدنی قافلے کی برکت سے میں گناہوں بھری زندگی سے تائِب ہوکر نمازوں کی پابندی کرنے والا ، فجر کے لئے جگانے والا اور دوسروں کومدنی قافلوں کامسافِر بنانے والا بن گیا۔  ^{( [1] )}

لوٹنے رحمتیں قافِلے میں چلو                                                                            سیکھنے سنتیں قافِلے میں چلو

دل پہ گر زَنگ ہو ، سارا گھر تنگ ہو                                           داغ سارے دُھلیں ، قافِلے میں چلو

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد