Book Name:Aala Hazrat Aur Khidmat e Quran
ڈُوب گئے کہ لوگ مجھے حافِظ کہتے ہیں جبکہ میں تَو باقاعِدہ حافِظِ قرآن نہیں ہوں ، آہ ! اللہ نہ کرے ! اگر روزِ قیامت اس بات پر پکڑ ہو گئی کہ جو اچھائی تیرے اندر نہیں تھی ، لوگ تیری تعریف کرتے تو تُو اس پر خوش ہوتا تھا ، تَو میرا کیا بنے گا ؟ بس * اسی قرآنی آیت پر عَمَل کرنے * خُود کو قیامت کے عذاب سے بچانے * جھوٹی تعریف پر خُوش ہونے سے بچنے اور * مسلمانوں کا نیک گمان سچ کر دینے کے لئے آپ نے قرآنِ کریم حِفْظ کر لیا۔
ہماری اگر کوئی ایسی تعریف کرے ، ایسی خُوبی بتائے جو ہمارے اندر نہیں تو ہم بھی یہی نیتیں کر کے اس نیکی کو اپنا سکتے ہیں۔ اس کی برکت سے اِنْ شَآءَ اللہُ الْکَرِیْم ! نیک لوگوں کی ادا اپنانے کا بھی ثواب ملے گا اور اللہ پاک نے چاہا تو نیکی پر استقامت ( Persistence ) بھی مِل جائے گی۔
بنادے مجھے نیک نیکوں کا صدقہ گُنَاہوں سے ہر دَم بچا یااِلٰہی
مرا ہر عمل بس ترے واسطے ہو کر اِخْلاص ایسا عطایااِلٰہی
عبادت میں گزرے مری زندگانی کرم ہو کرم یاخُدا یااِلٰہی
صَلُّوْا عَلَی الْحَبِیْبِ ! صَلَّی اللہُ عَلٰی مُحَمَّد
پیارے اسلامی بھائیو ! سیدی اعلیٰ حضرت رَحمۃُ اللہِ عَلَیْہ ایک عظیمُ الشّان ہستی ہیں * آپ امامِ اہلسنت ہیں * عاشقانِ رسول کے امام اور پیشوا ہیں * آپ بہت بڑے عالِم بھی تھے * بہت بڑے محدِّث بھی تھے * مفسر بھی تھے * مفتی بھی تھے * متقی بھی تھے * پِیرِ کامِل بھی تھے * ولیِ کامِل بلکہ اپنے دَور میں ولیوں کے سردار بھی تھے۔ غرض