رسولِ ہاشمی صَلَّی اللہ علیہ وَآلہٖ و َسَلَّم کی نَظْرِ عنایت بھی نصیب ہوتی ہے اور آقا کریم ، رَءُوف و رحیم صَلَّی اللہ عَلَیْہِ وَ آلِہٖ وَسَلَّم چاہیں تو اپنے غلاموں کو دیدار کا جام بھی عطا فرما دیتے ہیں۔

اللہ پاک ہمیں کثرت سے درودِ پاک پڑھنے کی توفیق عنایت فرمائے اور کاش ! کاش ! صد کروڑ کاش ! کہ درودِ پاک کی برکت سے ہمیں محبوبِ خُدا ، سردارِ اَنْبیا صَلَّی اللہ علیہ وَآلہٖ و َسَلَّم کی نظرِ کرم نصیب ہو جائے تو اِنْ شَآءَ اللہ الْکَرِیْم ! دو جہاں میں بیڑا پار ہو جائے۔

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد

بیان سننے کی نیتیں

فرمانِ مصطفےٰ صَلّی اللہ عَلَیْہ وآلِہ وسَلَّم : اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔  ^{( [1] )}  اے عاشقانِ رسول ! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاً نیت کیجئے ! * عِلْم سیکھنے کے لئے پورا بیان سُنوں گا * با اَدب بیٹھوں گا * دورانِ بیان سُستی سے بچوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

اے عاشقانِ رسول ! * آج جشنِ وِلادت کی عظیم ، سہانی رات ہے * آج وہ رات ہے کہ اس رات ستارے زمین کی طرف مائِل ہو رہے تھے * آج وہ رات ہے کہ اس رات فرشتوں کی بارات زمین پر اُتر رہی تھی * آج وہ رات ہے کہ اس رات آسمان و زمین