Book Name:Pyaray Aaqa Ka Pyara Naam
رَؤوفُ و رَحِیْمُ و عَلِیْمُ و علی ہے ( [1] )
وضاحت : یعنی اےمحبوبِ خُدا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم ! آپ وہ شان والے ہیں کہ اللہ پاک نے اپنے ناموں میں سے بہت سارے نام آپ کو عطا فرمائے ہیں ، مثلاً * رَؤوْف اللہ پاک کا نام ہے ، اللہ کریم نے یہ نام آپ کوبھی عطا فرمایا ہے * رَحِیْم اللہ پاک کا نام ہے ، رَبِّ کائنات نے یہ نام آپ کوبھی عطا فرمایا ہے * عَلِیْم ( عِلْم والا ) نام اللہ پاک کا ہے ، رَبِّ کریم نے یہ نام آپ کو بھی عطا فرمایا ہے * اسی طرح عَلِی ( یعنی بلند وبالا ) ، یہ نام اللہ پاک کا ہے اوررَبّ ذیشان نے یہ نام آپ کو بھی عطا فرمایا ہے۔
واہ کیا مرتبہ ہوا تیرا تُو خُدا کا خُدا ہوا تیرا
تاج والے ہوں اس میں یا محتاج سب نے پایا دیا ہوا تیرا
ذات بھی تیری انتخاب ہوئی نام بھی مصطفےٰ ہوا تیرا
بزمِ دُنیا میں ، بزمِ محشر میں نام کس کا ہُوا ہُوا تیرا
ایسی شوکت کے تاجدار کہاں تخت تخت ِ خدا ہوا تیرا
اس جلالت کے شہریار کہاں مُلک مُلکِ خدا ہوا تیرا
اس وجاہت کے بادشاہ کہاں حکم حکمِ خدا ہوا تیرا ( [2] )
پیارے اسلامی بھائیو ! اللہ پاک کے پیارے پیارے ناموں میں 30 نام وہ ہیں جو حقیقت میں اللہ پاک کے نام ہیں اور وہ نام ہی اللہ پاک نے اپنے محبوب صَلَّی اللہ عَلَیْہِ وَ آلِہٖ وَ سَلَّم