سے پتا چلا؛ پیارے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم سارے نبیوں کے بھی نبی ہیں۔ ^{( [1] )}  

اللہ ! اللہ ! یہ ہے ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی شانِ رسالت میں یکتائی... ! !  نبی اور بھی بہت ہیں ، رسول اور بھی بہت ہیں مگر ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم وہ عظیمُ الشّان نبی اور عظیم الشان رسول ہیں کہ جن نبیوں کو نبوت اور جن رسولوں کو رسالت عطا ہوئی ہے ، وہ نبوت اور رسالت تھی بالکل حقیقی ، اصلی مگرعطامحبوب صَلَّی اللہ عَلَیْہِ وَ آلِہٖ وَ سَلَّم کے صدقے میں ہوئی ہے ، اسی لئے آپ صَلَّی اللہ عَلَیْہِ وَ آلِہٖ وَ سَلَّم کو خصوصیت کے ساتھ الرّسُوْل کہا جاتا ہے۔

شہزادۂ اعلیٰ حضرت مولانا مصطفےٰ رضا خان رحمۃُ اللہ عَلَیْہ فرماتے ہیں :

تُو ہے مظہرِ رَبِّ اَجْمل ظِلّ ہیں تیرے سارے مُرسَل

کون ہے ہم سر تیرا شاہا صَلَّی اللہ عَلَیْکَ وَ سَلَّم ^{( [2] )}

وضاحت : یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! آپ اللہ پاک کے مظہر ہیں ، سارے نبی اور رسول آپ کا سایہ ہیں ، پِھر بھلا کون ہے جو آپ کے برابر ہو سکے گا ؟ آپ پر درود اور سلام ہو۔

شانِ رسالت کی یکتائی

سیدی اعلیٰ حضرت رحمۃُ اللہ عَلَیْہ نے بھی کیا خوب لکھا :

سب سے اَوَّل سب سے آخر                                                                    ابتدا ہو انتہا ہو

تھے وسیلے سب نبی تم                                                                                                       اَصْلِ مَقْصُودِ ہدیٰ ہو