آخری منزل ہیں * سب نبی یہ بتانے آئے کہ ایک نبی صَلَّی اللہ عَلَیْہِ وَ آلِہٖ وَ سَلَّم تشریف لانے والے ہیں ، ہم سے اُن پر ایمان لانے کا وعدہ کیا گیا ، اے لوگو ! تم ان کا زمانہ پاؤ تو اُن پر ایمان لانا۔ یعنی سب آپ کے در کا رستہ بتاتے رہے ، آپ ہیں جو راہِ خُدا ہیں۔

سُبْحٰنَ اللہ ! یہ پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی شانِ رسالت ہے... ! ! باقی جو 313 رسول ہیں ، وہ بھی حقیقی رسول ہیں ، اَصْلی رسول ہیں ، ان کی رسالت میں بھی کسی قسم کا کوئی نقص یا عیب مَعَاذَ اللہ ! نہیں ہے مگر آپ صَلَّی اللہ عَلَیْہِ وَ آلِہٖ وَ سَلَّم کی شان یہ ہے کہ باقی سب کو جو رسالت ملی وہ آپ صَلَّی اللہ عَلَیْہِ وَ آلِہٖ وَ سَلَّم کے صدقے میں ملی مگر آپ صَلَّی اللہ عَلَیْہِ وَ آلِہٖ وَ سَلَّم کو اللہ پاک نے بلاواسطہ رسالت عطا فرمائی ہے ، اس لئے آپ کا نامِ پاک اَلرَّسُول ہے۔

لَا وَرَبِّ الْعَرْش جس کو جو مِلا اُن سے مِلا                                   بٹتی ہے کونین میں نعمت   رسول  اللہ کی  ^{( [1] )}

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد

 ( 3 ) : نامِ پاک : رَءُوْف و رَحِیْم

پیارے اسلامی بھائیو ! پارہ : 11 ، سورۂ تَوبہ ، آیت : 128 میں اللہ پاک  نے اپنے محبوب   صَلَّی اللہ عَلَیْہِ وَاٰلِہٖ وَسَلَّم کے 2 نام ذِکْر فرمائے ، ارشاد ہوتا ہے :

بِالْمُؤْمِنِیْنَ رَءُوْفٌ رَّحِیْمٌ(۱۲۸)   ( پارہ : 11 ، التوبہ : 128 )

ترجمہ کنزُ العِرْفان : مسلمانوں پر بہت مہربان ، رحمت فرمانے والے ہیں ۔

سُبْحٰنَ اللہ ! کیا شان ہے میرے آقا ، مکی مدنی مصطفےٰ  صَلَّی اللہ عَلَیْہِ وَاٰلِہٖ وَسَلَّم کی... ! !