* آج مددگار آقا صَلَّی اللہ عَلَیْہِ وَ آلِہٖ وَ سَلَّم کی آمد کی رات ہے * آج دُکھی انسانیت کے غمخوار آقا کی آمد کی رات ہے * آج ان کی آمد کی رات ہے ، جو انسانیت  ( Humanity ) کو نفس و شیطان کی قید سے چھڑانے کے لئے تشریف لائے * آج ان کی آمد کی رات ہے جو کرم کے دریا بہانے کے لئے تشریف لائے * آج اُن کی آمد کی رات ہے جو سوتے ہوؤں کو جگانے ، روتے ہوؤں کو ہنسانے کے لئے تشریف لائے * آج اُن کی آمد کی رات ہے جو گرنے والوں کو اُٹھانے ، دِلوں  کو کو زِندہ فرمانے کے لئے تشریف لائے * آج اُن کی آمد کی رات ہے جو دو جہاں کے مالِک و مختار ،  گنہگاروں کی شفاعت فرمانے والے ، اللہ پاک کے حبیب و محبوب و خلیل بن کر تشریف لائے ہیں۔

پُر نُور ہے زمانہ صبحِ شبِ وِلادت                                                 پردہ اُٹھا ہے کس کا صبحِ شبِ وِلادت

فَصْلِ بہار آئی ، شکلِ نِگار آئی                                                                   گلزار ہے زمانہ صبحِ شبِ وِلادت

جنّت کے ہر مکاں میں آئینہ بندیاں ہیں            آراستہ ہے دُنیا صبحِ شبِ وِلادت

دِل جگمگا رہے ہیں قسمت چمک اُٹھی ہے  پھیلا نیا اُجالا صبحِ شبِ وِلادت

مکہ میں شام کے گھر روشن ہیں ہر نگہ پر                     چمکا ہے وہ اُجالا صبحِ شبِ وِلادت

شوکت کا دبدبہ ہے ، ہیبت کا زلزلہ ہے                 شق ہے مکانِ کسریٰ صبحِ شبِ وِلادت

آئی نئی حکومت سکّہ نیا چلے گا                                                                 عالَم نے رنگ بدلا صبحِ شبِ وِلادت

عرشِ عظیم جھومے ، کعبہ زمین چومے                  آتا ہے عرش والا صبحِ شبِ وِلادت

ہاں دِین والو اُٹھو ! تعظیم والا اُٹھو !                                           آیا تمہارا مولیٰ ، صبحِ شبِ وِلادت

اُٹھو حُضُور آئے ، شاہِ غَیْور آئے                                                سلطانِ دِین و دُنیا صبحِ شبِ وِلادت

تیری چمک دمک سے عالَم چمک رہا ہے            میرے بھی بخت چمکا صبحِ شبِ وِلادت