اس میں دوجہانوں کا عِلْم اور بہت سارے راز  بھر گئے ہیں۔

پیارے آقا کا نِرالاعِلْم مبارک

حضرت حذیفہ رَضِیَ اللہ عنہ صحابئ رسول ہیں ، آپ فرماتے ہیں : ایک دِن پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم ہمارے درمیان کھڑے ہوئے اور بیان فرمانا شروع کیا ، آپ صَلَّی اللہ عَلَیْہِ وَ آلِہٖ وَ سَلَّم نے ہمیں سب کچھ بتایا ، یہاں تک کہ قیامت قائِم ہونے تک کے سب واقعات بتا دئیے۔

حضرت حذیفہ رَضِیَ اللہ عنہ فرماتے ہیں : جیسے کوئی بندہ کسی بہت پُرانے جاننے والے کو دیکھتا ہے تو اسے اچانک محسوس ہوتا ہے کہ اسے میں نے کہیں دیکھا ہے ، پِھر تھوڑاذہن پر زور دینے سے یاد آجاتا ہے ، اس واقعہ کے بعد میری یہی حالت ہو گئی تھی ، میں جب بھی کوئی نیا معاملہ دیکھتا تو لگتا یہ معاملہ تو میں نے کہیں سُنا ہے ، پِھر جب غورکرتا تو یاد آتا کہ ہاں ! اُس دِن محبوبِ کریم صَلَّی اللہ عَلَیْہِ وَ آلِہٖ وَ سَلَّم نے یہ بات بھی ہمیں بتائی تھی۔  ^{( [1] )}

ہر ذَرَّہ پر تیری نظر ہے ، ہر قطرہ کی تجھ کو خبر ہے

ہو عِلْمِ لَدُنِی کے تم دانا صَلَّی اللہ عَلَیْکَ وَسَلَّم

عیب سے تم کو پاک کیا ہے غیب کا تم کوعِلْم دیا ہے

اور خود حق بھی تم سے چھپا کیا ؟ صَلَّی اللہ عَلَیْکَ وَسَلَّم ^{( [2] )}

صَلُّوْا عَلَی الْحَبیب !                                                   صَلَّی اللّٰہُ عَلٰی مُحَمَّد