ہے۔ یعنی ڈَر سنانے والے نبی۔ ہمارے آقا ومولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم ڈَر سناتے ہیں ، کسے ؟ غیر مسلموں کو ، نافرمانوں کو ، جو اللہ و رسول کی نافرمانی کرتے ہیں ، نیکی کا رستہ چھوڑ کر گُنَاہوں کا رستہ اپناتے ہیں ، نمازیں نہیں پڑھتے ، بلاعذر روزے چھوڑتے ہیں ، دوسروں کو تکلیف پہنچاتے ہیں ، سُودی لین دین کرتے ہیں ، دوسرے کے مال پر ناحق قبضے جماتے ہیں ، اللہ پاک سے نہیں ڈرتے ، قرآن و سُنّت کی مخالفت کرتے ہیں ، غیر مسلموں کے رستے پر چلتے ہیں ، میرے نبی ، پیارے نبی ، اچھے نبی ، سچّے نبی  صَلَّی اللہ عَلَیْہِ وَاٰلِہٖ وَسَلَّم نے انہیں جہنّم سے ڈرایا ، قبر و آخرت کے عذاب سے ڈرایا اور یہ کھول کر بیان کر دیا کہ روزِ قیامت فرمانبرداروں کے مزے ہوں گے جبکہ نافرمان بندے اللہ پاک کی رحمت سے محروم رہ گئے تو دَرْدناک عذاب کا مزہ چکھیں گے۔

اللہ پاک کی پناہ ! اللہ پاک کی پناہ... ! !  اللہ کریم ہمیں اپنا فرمانبردار بندہ بننے کی توفیق عطا فرمائے۔

اٰمِیْن بِجَاہِ  خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔  

بندہ تمہارے در کا آفت میں مبتلا ہے                            رحم اے حبیبِ داور ! تم پر سلام ہر دَم

لِلّٰہ اب ہماری فریاد کو پہنچئے                                                                                بےحد ہے حال اَبتر تم پر سلام ہر دَم

جلّاد نفسِ بد سے دیجے مجھے رہائی                                                           اب ہے گلے پہ خنجر تم پر سلام ہر دم

صَلُّوْا عَلَی الْحَبِیْب !                                                                                                صَلَّی اللہ عَلٰی مُحَمَّد

نامِ پاک : داعِی اِلَی اللہ !

پیارے اسلامی بھائیو ! میرے پیارے نبی ، رسولِ ہاشمی  صَلَّی اللہ عَلَیْہِ وَاٰلِہٖ وَسَلَّم کا ایک پیارا پیارا پاکیزہ نام دَاعِی اِلَی اللہ بھی ہے۔ یعنی آپ صَلَّی اللہ عَلَیْہِ وَ آلِہٖ وَ سَلَّم لوگوں کو اللہ پاک کی