Book Name:Ghous e Pak aur Islah e Ummat
خبردار اور رازوں (Secrets ) کو دیکھنے والا بن جاتا ہے ۔ ([1] )
الحمد للہ ! ہمارے پِیر حُضُور شیخ عَبْدُالقَادِر جیلانی رحمۃُ اللہِ عَلَیْہ کامِل مؤمن ہی نہیں بلکہ کامِلوں کے بھی اِمَام ہیں ، پِیروں کے پِیر ہیں ۔ آپ کو بھی رَبِّ کریم نے نُورِ فراست عطا فرمایا ، آپ کی تو کیا ہی شان ہے ۔ آپ خُود فرماتے ہیں:اے لوگو ! اگر میری زبان پر شریعت کی رَوک نہ ہوتی تو میں تمہیں بتا دیتا جو تم گھروں میں کھاتے ہو اور جو بچا کر رکھ آتے ہو ، اَنْتُمْ بَیْنَ یَدِیْ کَا لْقَوَارِیْرِ یُریٰ مَا فِی بَوَاطِنِکُمْ وَ ظَوَاہِرِکُمْ تم میرے سامنے شیشے کی بوتل کی طرح ہو ، تمہارا ظاہِر باطِن سب کچھ نظر آتا ہے ۔ ([2] )
بندہ قَادِر کا بھی ، قادربھی ہے عَبْدُالقَادِر سِرِّ باطن بھی ہے ظاہِر بھی ہے عَبْدُالقَادِر
مفتئ شرع بھی ہے ، قاضِئ ملّت بھی ہے عِلْمِ اَسْرار سے ماہِر بھی ہے عَبْدُالقَادِر
ذی تَصَرُّف بھی ہے مَاذُوْن بھی مختار بھی ہے کارِ عالَم کا مُدَبِّر بھی ہے عَبْدُالقَادِر([3] )
وضاحت:ہمارے غوثِ پاک رحمۃُ اللہِ عَلَیْہ عَبْدُ القادِر ہیں یعنی قُدْرتوں والے رَبِّ کریم کے بندے ہیں ، اللہ پاک نے آپ کو قُدْرت عطا فرمائی ہے ، آپ ظاہِر و باطِن کے رازدار ہیں ، شریعت کے مفتی بھی ہیں ، مِلَّت کے قاضِی بھی ہیں ، باطنی عُلُوم کے ماہِر بھی ہیں ، اللہ پاک نے آپ کو اختیارات عطا فرمائے ہیں ، آپ کو زمانے کی تَدْبِیر کی اجازت بھی عطا کی گئی ہے ۔
صَلُّوْا عَلَی الْحَبِیْب ! صَلَّی اللہُ عَلٰی مُحَمَّد