Book Name:Ghous e Pak aur Islah e Ummat
عاشقِ غوثِ اعظم ، شیخِ طریقت ، امیرِ اہلسنت دَامَتْ بَرْکَاتُہم العالیہ ہمیں سمجھاتے ہوئے لکھتے ہیں: پیارےاسلامی بھائیو ! نیکیوں کے حریص بن جایئے ، دوسروں کو نَماز ی بنانے کی مُہم تیز سے تیز تر کر دیجئے ، جب بھی نَمازِ باجماعت کےلئے مسجِد کی طرف جانے لگیں ، دوسروں کو ترغیب دے کر ساتھ لیتے جایئے ، جنہیں نَماز نہیں آتی اُنہیں نَماز سکھایئے ۔ اگر آپ کے سبب ایک بھی نَمازی بن گیا تو جب تک وہ نَمازیں پڑھتا رہے گا اُس کی ہر ہر نَماز کا آپ کو بھی ثواب ملتا رہے گا ، بڑی عمر کے عاشقانِ رسول کے لئے مختلف اوقات میں مختلف مقامات پر لگنے والے مَدْرَسَۃُ الْمَدِیْنَہ بالِغان میں داخِلہ (Admission ) لے لیجئے ، اِس میں خود بھی قرآنِ کریم سیکھئے اور دوسروں کو بھی سکھایئے ۔ آپ سے سیکھنے والا جب جب تِلاوت کرے گا آپ کو بھی اُس کی تِلاوت کا ثواب ملتا رہے گا ۔ آپ بھی سنّتوں پر عمل کیجئے اور دوسروں کو بھی عمل پر آمادہ کیجئے ۔ اگر آپ نے کسی کو ایک سنَّت سکھا دی تو اب وہ جب جب اُس سنَّت پر عمل کرے گا آپ کو بھی اُس سنَّت پر عمل کرنے والے کی طرح ثواب ملتا رہے گا ۔ عَلاقائی دَورہ برائے نیکی کی دعوت اور مَدَنی قافِلوں میں سنّتوں بھرے سفر کے ذَرِیعے اپنی اور دوسروں کی اصلاح کی زور دار مُہم چلا کر مسلمانوں کو نیک بنانے کی مشین بن جایئے ، اِنْ شَآءَ اللہُ الْکَرِیْم ! ثواب کا انبار لگ جائے گا اور دونوں جہانوں میں بیڑا پار ہو جائے گا ۔
تیرے کرم سے اے کریم ! مجھے کون سی شے ملی نہیں
جھولی ہی میری تنگ ہے تیرے یہاں کمی نہیں
حُجَّۃُ الْاِسلام حضرت امام اَبُوْ حَامِد محمد بن محمد بن محمد غزالی رحمۃُ اللہِ عَلَیْہ فرماتے ہیں: