Book Name:Ghous e Pak aur Islah e Ummat
پیارے اسلامی بھائیو ! حُضُورِ غوثِ پاک رحمۃُ اللہِ عَلَیْہ صاحِبِ سلسلہ ہیں یعنی آپ نے سلسلہ عالیہ قادریہ کی بنیاد رکھی اور اس کے اُصُول (Principles ) مُقَرَّر فرمائے ۔ الحمد للہ ! حُضُورِ غوثِ پاک رحمۃُ اللہِ عَلَیْہ کی یہ بھی باریک بینی اور دُور اندیشی (Far-sightedness ) ہے کہ آپ نے اپنے دور میں معاشرے کی اِصْلاح کی خاطِر جو اُصُول مُقَرَّر فرمائے تھے ، آج بھی وہ اُصُول کارآمد (Useful ) ہیں ، اگر ہم سلسلہ عالیہ قادریہ کے ان بنیادی اُصُولوں کو اپنا لیں تو ہمارا معاشرہ ایک مثالی معاشرہ بن سکتا ہے ۔ سلسلہ عالیہ قادریہ کے یہ بنیادی اُصُول (Basic Principles ) کیا ہیں؟آئیے ! ان میں سے چند ایک سنتے ہیں:
(1 ) :مُجاہَدہ
سلسلہ عالیہ قادریہ کا پہلا اُصُول مُجاہَدہ ہے ۔ اس کا مطلب ہوتا ہے:اپنے آپ کو سدھارنے کے لئے باقاعدہ کوشش کرنا ۔ اللہ پاک قرآنِ کریم میں فرماتا ہے:
وَ الَّذِیْنَ جَاهَدُوْا فِیْنَا لَنَهْدِیَنَّهُمْ سُبُلَنَاؕ- (پارہ:21 ، العنکبوت:69 )
ترجمہ کنزُ العِرْفان:اور جنہوں نے ہماری راہ میں کوشش کی ضَرُور ہم انہیں اپنے راستے دکھا دیں گے ۔
معلوم ہوا؛ جو دُرست رستے پر آنے کے لئے ، اللہ پاک کا قرب پانے کے لئے ، گُنَاہ چھوڑنے ، بُری عادتوں سے پیچھا چھڑانے کے لئے سچّی کوشش کرے ، اللہ پاک اسے دُرست راستے کی ہدایت نصیب فرما دیتا ہے ۔
اسی لئے حُضُورِ غوثِ پاک رحمۃُ اللہِ عَلَیْہ نے اپنے سلسلہ عالیہ قادریہ کی بنیاد مُجاہَدہ پر