غوثِ اعظم  رحمۃُ اللہِ عَلَیْہ  کے گیارہ نام ( اوّل آخِر گیارہ باردُرُود شریف )  پڑھ کر گیارہ کھجوروں  پر دَم کرکے اُسی رات کھالیجئے ، اِنْ شَآءَ اللہُ الْکَرِیْم !  سارا سال مصیبتوں  سے حفاظت ہوگی ۔  گیارہ نام یہ ہیں: (1 ) :سیِّدمُحْیُ الدِّین سلطان (2 ) :مُحْیُ الدِّین قطب (3 ) :مُحْیُ الدِّین خواجہ (4 ) :مُحْیُ الدِّین مخدوم (5 ) :مُحْیُ الدِّین ولی (6 ) :مُحْیُ الدِّین بادشاہ (7 ) :مُحْیُ الدِّین شیخ (8 ) :مُحْیُ الدِّین مَوْلٰنا (9 ) :مُحْیُ الدِّین غوث (10 ) :مُحْیُ الدِّین خلیل (11 ) :مُحْیُ الدِّین ۔ ^{([1] )}  

اللہ کریم ہم سب کو امیراہلسنت  دامت بَرَکاتُہمُ العالیہ  کی اور آپ کے صدقے میں حضور غوثِ پاک   رحمۃُ اللہِ عَلَیْہ   کی سچی پکی غلامی نصیب فرمائے اور ہمارا خاتمہ ایمان پرفرمائے ۔ آمِیْن بِجَاہِ خَاتَمِ النَّبِیّٖنَ   صَلَّی اللہُ عَلَیْہِ وَاٰلِہٖ وَسَلَّم   ۔

  12 دینی کاموں میں سے ایک دینی کام: ایک دِن راہِ خُدا میں

پیارے اسلامی بھائیو ! عاشقانِ رسول کی دینی تحریک دعوتِ اسلامی فیضانِ غوث و خواجہ ہے ،  الحمد للہ !  دعوتِ اسلامی دُنیا بھر میں غوثِ پاک   رحمۃُ اللہِ عَلَیْہ   کی تعلیمات کو عام کرنے اور ان پر عَمَل کا جذبہ اُبھارنے میں مصروفِ عمل ہے ۔  دعوتِ اسلامی عشق رسول اور عشق صحابہ و اَہْلِ بیت اور عشقِ اَوْلیا کے جام بھر بھر کر پِلاتی ہے ۔  حُضُور غوثِ پاک   رحمۃُ اللہِ عَلَیْہ   کے ساتھ اپنی روحانی وابستگی  مضبوط کرنے ،  صحابہ و اَہْلِ بیت اور اَوْلیائے کرام کی محبّت دِل میں بڑھانے کے لئے آپ بھی دعوتِ اسلامی کے دِینی ماحول کے ساتھ وابستہ (Linkup )  ہو جائیے اور اِصْلاحِ معاشرہ کے جذبے کے ساتھ 12دِینی کاموں میں عملاً