Book Name:Darbar Khwaja Mein Badshahon Ki Hazriyan
غُلاموں پر کرم کی بارش جاری ہے ۔ اللہ پاک ہمیں خواجہ غریب نواز رَحمۃُ اللہِ عَلَیْہ اور تمام اَوْلیائے کرام کے ساتھ سچّی پکّی محبّت رکھنے، ان کی مزارات بلکہ ان سے نسبت رکھنے والی ہر ہر چیز کا ادب و احترام کرتے رہنے کی توفیق نصیب فرمائے۔
تیرا دِیار ہے دَارُ السَّلام یا خواجہ تجلیاں ہیں نئی صبح و شام یا خواجہ
نہ فکرِ مئے نہ غمِ جام تیرے منگتوں کو تیری نگاہ سے چلتا ہے کام یا خواجہ
تیرا گدا ہیں گنہگار متقی دونوں برے بھلے پہ تیرا فیض عام ہے یاخواجہ([1])
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو!عاشقانِ رسول کی دینی تحریک دعوتِ اسلامی دنیا بھر میں نیکی کی دعوت عام کرنے،سُنَّتوں کی خوشبو پھیلانے،عِلْمِ دین کی شمع جلانے اور لوگوں کے دلوں میں اللہ پاک کے اولیا کی محبت و عقیدت بڑھانے میں مَصْرُوف ہے۔ ساری دنیا میں دینی کاموں کومُنَظَّم کرنے کےلئے 80 سے زائد شعبہ جات قائم ہیں،انہی میں سے ایک شعبہ مزاراتِ اولیا بھی ہے *یہ شعبہ اولیائے کرام رَحمۃُ اللہِ علیہمکے راستے پر چلتے ہوئے مزاراتِ مبارکہ پر حاضر ہونے والے اسلامی بھائیوں میں دینی کاموں کی دُھومیں مچانے کیلئےکوشاں ہے*یہ شعبہ صاحبِ مزارکے عُرس کے موقع پر قرآن خوانی اور اجتماعِ ذکرونعت کا اہتمام کرتا ہے*مزارات کے ساتھ موجود مساجد میں عاشِقانِ رسول کے مَدَنی قافلے سفر کروائے جاتے ہیں، عُرس کے دنوں میں مزارشریف کے اِحاطے میں سنّتوں بھرے مدنی حلقے