Book Name:Darbar Khwaja Mein Badshahon Ki Hazriyan
مُرشِدِ ناقِصاں! غریب نواز! غریب نواز! رہبرِ کامِلاں! غریب نواز! غریب نواز!
ہادیِ گمرہاں! غریب نواز! غریب نواز! مُصْلحِ عاصیاں! غریب نواز! غریب نواز!
صَلُّوا عَلَی الْحَبیب! صَلَّی اللہُ عَلٰی مُحَمَّد
دربارِ خواجہ میں بادشاہوں کی حاضریاں
*سِیَرُ الاَقطاب میں ہے: ایک دِن خواجہ غریب نواز رَحمۃُ اللہِ عَلَیْہ شیخ اَوْحَد کِرمانی رَحمۃُ اللہِ عَلَیْہ اور شیخ شِہابُ الدین سُہروردی رَحمۃُ اللہِ عَلَیْہ کے ساتھ بیٹھے تھے کہ ایک لڑکا تیر کمان لئے وہاں سے گزرا، اسے دیکھتے ہی حضور غریب نواز رَحمۃُ اللہِ عَلَیْہ نے فرمایا: یہ بچہ دہلی کا بادشاہ ہو کر رہے گا، آخر یہی ہوا، تھوڑے ہی عرصے میں وہ لڑکا دِہلی کا بادشاہ بنا اور سلطان شَمْسُ الدِّیْن اَلْتَمِشْ کے نام سے مشہور ہوا۔ ([1])
تمہارے منہ سے جو نکلی وہ بات ہو کے رہی کہا جو دِن کو کہ شب ہے تو رات ہو کے رہی
سلطان شَمْسُ الدِّیْن اَلْتَمِشْ خواجہ صاحب رَحمۃُ اللہِ عَلَیْہ سے بڑی عقیدت رکھتے تھے، انہوں نے خواجہ صاحب رَحمۃُ اللہِ عَلَیْہ کی خدمت میں حاضِری بھی دی اور آپ سے باقاعدہ مَعرفت کی تعلیم حاصِل کی۔ ([2])
جھولیاں بھرتے ہو منگتوں کی، مجھے بھی ہو عطا حصۂ جود وسخا، خواجہ پیا! خواجہ پیا!
نَے میں سائِل راج کا، نَے تخت کا، نَے تاج کا میں فقط منگتا ترا، خواجہ پیا! خواجہ پیا!([3])
*حضور خواجہ غریب نواز رَحمۃُ اللہِ عَلَیْہ کے وِصَال فرمانے کے بعد کا واقعہ ہے، سلطان محمود خَلجی کو ایک خط ملا، اس میں لکھا تھا: اجمیر خواجہ غریب نواز رَحمۃُ اللہِ عَلَیْہ کی خواب