اَلْحَمْدُ لِلّٰہِ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ^ط

اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ^ط  بِسْمِ اللہ الرَّحْمٰنِ الرَّ حِیْم ^ط

اَلصَّلٰوۃُ وَ السَّلَامُ عَلَیْكَ یَا رَسُولَ اللہ                                                       وَعَلٰی اٰلِكَ وَ اَصْحٰبِكَ یَا حَبِیْبَ اللہ

اَلصَّلٰوۃُ وَ السَّلَامُ عَلَیْكَ یَا نَبِیَّ اللہ                                                                        وَعَلٰی اٰلِكَ وَ اَصْحٰبِكَ یَا نُوْرَ اللہ

نَوَیْتُ سُنَّتَ الْاِعْتِکَاف                                    ( ترجمہ : میں نے سُنَّت اعتکاف کی نِیَّت کی )

درودِ پاک کی فضیلت

اِمام عبد الوہاب شَعْرانی رَحمۃُ اللہ عَلَیْہ 10 وِیں صدی ہجری کے بہت بڑے عالِم ( Scholar ) ، بہت بڑے ولئِ کامِل ہیں۔ آپ لکھتے ہیں : مِعراج کی رات جب صاحِبِ معراج نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم اللہ پاک کی بارگاہ میں حاضِر ہوئے تو آپ نے ایک آواز سُنی جو حضرت ابوبکر صِدِّیق رَضِیَ اللہ عنہ کی آواز مبارک سے ملتی جلتی تھی ، کہا گیا : قِفْ یَا مُحَمَّد ! اِنَّ رَبَّکَ یُصَلِّیْ یعنی اے محبوب صَلَّی اللہ عَلَیْہِ وَ آلِہٖ وَ سَلَّم ! اِنتظار فرمائیے ! آپ کا رَبّ صلوٰۃ فرماتا ہے۔ آپ صَلَّی اللہ عَلَیْہِ وَ آلِہٖ وَ سَلَّم  نے دِل ہی دِل میں سوچا : اَ رَبِّی یُصَلِّیْ ؟ کیا میرا رَبّ نماز پڑھتا ہے... ؟ فرمایا گیا : اے محبوب صَلَّی اللہ عَلَیْہِ وَ آلِہٖ وَ سَلَّم ! وہ اللہ پاک ہے جو خود بھی اور اس کے فرشتے بھی آپ پر درود بھیجتے ہیں۔ ^{( [1] )}

نبی کی شان میں ہو جس قدر درود پڑھو                           محبو ! پاؤ گے جنت میں گھر درود پڑھو

خدا تو بھیجے ہے صَلُّو و سَلِّمُو کا خطاب                              تم ایسے بیٹھے ہو کیوں بے خبردرود پڑھو

فرشتے جاتے ہیں لے کر درود حضرت کو      اُدھر پہنچتا ہے جو تم اِدھر درود پڑھو

رسولِ پاک کے حق میں تو یہ بھی تھوڑا ہے      جو اُن کے نام پہ آٹھوں  پَہر  درود پڑھو ^{( [2] )}