انسان کے لئے اس سے بڑھ کر کوئی مقام ہوتا تو اُس قُرْبِ خاص میں رسولِ ذیشان صَلَّی اللہ عَلَیْہِ وَ آلِہٖ وَ سَلَّم کو وہی مقام عطا کیا جاتا۔ ^{( [1] )} ڈاکٹر اِقْبال کہتا ہے :

پَیْشِ اُوْ گِیتی جَبِیْں فَرْسُوْدَہ اَسْت                                                   خَوَیْش رَا خُوْد عَبْدُہٗ فَرْمُوْدَہ اَسْت

مفہوم : یہ رسولِ کائنات صَلَّی اللہ عَلَیْہِ وَ آلِہٖ وَ سَلَّم ہیں ، جن کے حُضُور ساری کائنات نے سَر جھکا دیا۔ اللہ پاک نے خُود آپ کو عَبْدُہٗ ( یعنی خاص الخاص بندہ ) فرمایا ہے۔

عَبْد دِیْگر عَبْدُہٗ چِیْزَے دِگَر                                                                                 مَا سَراپا اِنْتِظَار اُوْ مُنتظِر

مفہوم : یاد رکھو ! عبد ( بندہ ) اَور چیز ہے ، عَبْدُہٗ ( یعنی خاصُ الخاص بندہ ) ہونا کچھ اَور ہی شان ہے۔ عَبْد ( یعنی بندہ ) سراپا انتظار ہوتا ہے مگر عَبْدُہٗ وہ ہے جس کا انتظار کیا جاتا ہے۔

عَبْدُہٗ چَنْد و چَگُوْنِ کَائِنَات                                                                                  عَبْدُہٗ    رَازِ   دَرُوْنِ  کَائنَات ^{( [2] )}

مفہوم : عبدُہٗ ( یعنی خاص الخاص بندہ ) کائنات کی حقیقت ہے ، عَبْدُہٗ اس کائنات کا راز ہے کہ وہ نہ ہوتے تو کائنات بھی نہ ہوتی۔

وہ جو نہ تھے تو کچھ نہ تھا ، وہ جو نہ ہوں تو کچھ نہ ہو

جان ہیں    وہ    جہان    کی ،   جان   ہے   تو    جہان    ہے ^{( [3] )}

بندگی کے چند ایک آداب

پیارے اسلامی بھائیو ! یہاں سے ہمیں سبق سیکھنے کو ملا کہ ہم نے اللہ کا بندہ  بننا ہے۔ انسان کا پہلا اور آخری رُتبہ یہی ہے۔ لہٰذا اس دُنیا میں آ کر ہم کچھ اور بن سکیں یا نہ بن سکیں ، البتہ صحیح معنوں میں اللہ پاک کے بندے تو بن ہی جانا چاہئے۔ ہم نے صحیح معنوں میں اللہ کا