کچلنا شروع کردیا تو اس کا کیا بنے گا ! کاش ! کاش ! کاش ! سارے مسلمان پکّے نمازی بن جائیں۔

ہو گی دنیا خراب ، آخرت بھی خراب                                   بھائیو ! تم کبھی چھوڑنا مت نماز

بےنمازی جہنّم کا حقدار ہے                                                                           بھائیو ! تم کبھی چھوڑنا مت نماز

قبر میں سانپ بچھو لپٹ جائیں گے                                       بھائیو ! تم کبھی چھوڑنا مت نماز

سہہ سکو گے نہ دوزخ کا ہرگز عذاب                                      بھائیو ! تم کبھی چھوڑنا مت نماز

دیکھو ! اللہ ناراض ہو جائے گا                                                                   بھائیو ! تم کبھی چھوڑنا مت نماز

سَر کچلنے کی سزا

 فجرکی نماز میں سوئے رہنے والے ، نماز کا وقت سو کر گزارنے کی خوفناک سزاکی کیفیت سُنیں اور توبہ کریں۔سرکار مدینہ ، سردارِ مکَّہ صَلَّی اللہ عَلَیْہِ وَ آلِہٖ وَسَلَّم نے صحابۂ کرام رَضِیَ اللہ عنہم سے فرمایا : آج رات 2شخص ( یعنی جبریل ومیکائیل عَلَیْہِما السَّلَام  ) میرے پاس آئے اور مجھے اَرضِ مُقدَّس ( یعنی بیت ُ المقدس ) میں لے آئے۔ ^{( [1] )} میں نے دیکھاکہ ایک شخص لیٹا ہے اوراس کے سرہانے ( یعنی سر کے پاس ) ایک شخص پتھراُٹھائے کھڑا ہے اورپے درپے ( یعنی بار بار ) پتھر سے اس کا سرکچل رہا ہے ، ہر بار کچلنے کے بعد سرپھر ٹھیک ہوجاتاہے۔ میں نے ان فرشتوں سے کہا : سُبْحٰنَ اللہ ! یہ کون ہیں ؟ انہوں نے عرض کی : آگے تشریف لے چلئے ! ( مزید مناظِردکھانے کے بعد ) فرشتوں نے عَرض کی : پہلا شخص جو آپ نے دیکھا (  یعنی جس کا سر کچلا جا رہا تھا ) یہ وہ تھا جس نے قُرآن کریم پڑھا پھر اس کوچُھوڑ دیا تھااور فرض نمازوں کے وَقت سوجاتا تھا۔ ^{( [2] )}

بے نمازی کی نحوست ہے بڑی                                                  مر کے پائے گا سزا بے حد کڑی