جو دردِ لادوا ہو ، یہ گھول کر پِلا دو                                                              کیا نسخۂ شفا ہے ، صلِّ عَلٰی مُحَمَّد

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

بیان سننے کی نیتیں

حدیثِ پاک میں ہے : اِنَّمَا الْاَعْمَالُ بِالنِّیّات اَعْمَال کا دار ومدار نیتوں پر ہے۔ ^{( [1] )}

پیارے اسلامی بھائیو ! اچھی نیت بندے کو جنّت میں پہنچا دیتی ہے ، بیان سننے سے پہلے کچھ اچھی اچھی نیتیں کر لیجئے ! مثلاً نیت کیجئے : * رِضَائے اِلٰہی کے لئے بیان سُنوں گا * عِلْمِ دین سیکھوں گا * پورا بیان سُنوں گا * ادب سے بیٹھوں گا * نصیحت حاصِل کروں گا * اَحْمَدِ مجتبیٰ ، مُحَمَّد ِمصطفےٰ صَلَّی اللہ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا۔

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

پیارے اسلامی بھائیو ! آج الحمد للہ ! رجب شریف کی 27 وِیں رات ہے۔ * آج شانِ مصطفےٰ کے اظہار کی رات ہے * آج رفعتِ مصطفےٰ کے اظہار کی رات ہے * آج امامتِ انبیا کی رات ہے * آج معراجِ مصطفےٰ کی رات ہے * بلکہ یُوں کہوں کہ آج وہ رات ہے کہ اس رات بُراق کو خِدْمتِ مصطفےٰ کی معراج ہوئی * آج وہ رات ہے کہ مسجدِ اَقْصیٰ کو زیارتِ مصطفےٰ کی معراج نصیب ہوئی * آج وہ رات ہے کہ انبیائے کرام علیہمُ السَّلام جو دِیدارِ مصطفےٰ کا شوق رکھتے تھےآج اُن کے لئے زیارتِ مصطفےٰ کی رات ہے * آج ساتوں آسمانوں * وہاں کے فرشتوں * جنّت اور جنّت کی تمام نعمتوں * وہاں کی حُوْروں * بلکہ حق تو یہ ہے کہ عرشِ اعظم کے لئے بھی معراج کی رات ہے۔ جی ہاں ! یہ عرشِ اعظم ہے ، جسے مصطفےٰ جانِ رحمت صَلَّی اللہ عَلَیْہِ وَ آلِہٖ وَ سَلَّم کے قدم چومنے کی حسرت تھی * آج کی رات محبوبِ خُدا ، اِمامُ الانبیا ،