تھا، اس نے ایک قبر دیکھی، اس قبر کو بہت ہی خوبصُورتی کے ساتھ بنایا گیا تھا۔ اس شخص کو قبر کی بناوٹ (یعنی اُوپَر لگے ہوئے خوبصُورت پتھر وغیرہ) بہت اچھے اور بھلے لگے۔ وہ اسے کھڑا حیرانی سے دیکھتا رہا۔ جب رات ہوئی، وہ سویا تو اس کی خواب میں کوئی شخص آیا، اس نے نصیحت کرتے ہوئے عربی کے یہ اشعار پڑھے:

اَعْجَبَکَ الْقَبْرُ وَ حُسْنُ الْبِنَاءِ                                                                                       وَ الْجِسْمُ فِیْہِ قَدْ حَوَاہٗ الْبَلٰي

فَاسْئَالِ الْاَمْوَات عَنْ حَالِہِمْ                                                                                  یَنْبَاکَ عَنْ ذَالِکَ ذِہَابَ الْجَلٰي

 وضاحت:تمہیں قبر اور اس کی خوبصُورت بناوٹ نے حیرت میں ڈالا جبکہ اس کے اندر رکھا ہوا جسم آفتوں اور بلاؤں کے گھیرے میں ہے، مُردَوں سے ان کا حال پوچھ! وہ تمہیں بتائیں گے کہ ان کی عزّت و شوکت کہاں چلی گئی...!! ^([1])

اللہ! اللہ! پیارے اسلامی بھائیو! یہ حقیقت (Reality)ہے اُوپَر سے قبر کو کیسا ہی خوبصُورت بنا لیا جائے مگر اس کے اندر کا حال وہی جان سکتا ہے جو اس کے اندر موجود ہے۔حضرت شیخ سلطان باہُو رَحمۃُ اللہِ عَلَیْہ  فرماتے ہیں:

جُیُونْدَے کِیْ جَانَنْ سَار مَوْیَاں دِیْ                                                    سَو جَانَے جَو مَردَا ہُو

قَبْرَاں دَے وِچْ اَنْ نَہ پانی                                                                                   اَوْتھے خَرْچ لَوڑِیْنْدَے گھر دَا ہُو

اِکْ وِچَھوْڑا مَاں، پَیُوْ، بَھائِیَاں                                                                      دُوجا عَذَاب قَبر دَا ہُو

واہ نَصِیْب اُنْہَانْدَے بَاہُو                                                                                           جِہْڑا  وِچْ  حیاتی  مَردا  ہُو^([2])