Book Name:Qabar Ka Muamla Aasan Nahi
(یعنی اس کی قبر کو جنّت کا باغ بنا دو!) ([1])
ذاتِ والا پہ بار بار دُرود بار بار اور بے شُمار دُرود
بے عدد اور بے عدد تسلیم بے شمار اور بے شُمار دُرود
گورِ بیکس کو شمع سے کیا کام ہو چراغِ سَرِ مَزار دُرود
قبر میں خوب کام آتی ہے بیکسوں کی ہے یارِ غار دُرود
جان نکلے تو اس طرح نکلے تجھ پر اے غمزدوں کے یار دُرود
دل میں جلوے بسے ہوئے تیرے لب سے جاری ہو بار بار دُرود
اے حسؔن خارِ غم کو دِل سے نکال غمزدوں کی ہے غمگُسار دُرود([2])
پیارے اسلامی بھائیو! کتنی پیاری بات ہے، قبر کے حساب سے، قبر کے عذاب سے، منکر نکیر کے سُوالوں سے نجات پانے کا بہترین وظیفہ ہے: درودِ پاک کی کثرت کیجئے!
اللہ پاک ہمیں کثرت سے درودِ پاک پڑھنے کی توفیق نصیب فرمائے۔ خواجہ ضیاءُ الدِّینرَحمۃُ اللہِ عَلَیْہ لکھتے ہیں: جو بندہ نیک نمازی ہو اور کثرت سے درودِ پاک پڑھا کرتا ہو، جب وہ مَر کر قبر میں اُترتا ہے تو منکر نَکِیْر (یعنی قبر میں سُوال پوچھنے والے فرشتے) اس سے معمولی (Minor) سا حساب لیتے ہیں، پِھر اس کی قبر کو حدِّ نگاہ تک وسیع کر دیا جاتا ہے، قبر نُور سے جگمگانے لگتی ہے، پِھر اتنے میں اس کی جنّتی بیوی قبر میں پہنچ جاتی ہے، اس کے گلے میں موتیوں کا ہار ہوتا ہے، جیسے ہی یہ بندہ اس ہار کی طرف اشارہ کرتا ہے تو ہار ٹوٹ کر گِر