جاتا ہے، اس کی جنّتی بیوی کہتی ہے: پریشانی کی بات نہیں ہے، ہم ان موتیوں کو چُن لیتے ہیں۔ یہ دونوں مِل کر موتیوں کو چننا شروع کرتے ہیں۔ بَس ابھی یہ سارے موتی چُن بھی نہیں پائیں گے کہ قیامت قائِم ہو جائے گی۔^([1])  

سُبْحٰنَ اللہ! معلوم ہوا درودِ پاک کی برکت سے قبر کی تنگی سے بھی نجات ملتی ہے، وہاں کی وحشت اور تنہائی بھی دُور ہو جاتی ہے اور قبر کا  ہزاروں  سالہ قیام بھی چند لمحوں میں گزر جاتا ہے۔ اللہ پاک ہمیں کثرت سے درودِ پاک پڑھنے کی توفیق نصیب فرمائے۔ اٰمِیْن بِجَاہِ  خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم۔  

نبی کی شان میں ہو جس قدر دُرود پڑھو                                            مُحِبَّو! پاؤ گے جنّت میں گھر دُرود پڑھو

جو اپنے کاموں کا انجام نیک چاہتے ہو                                 ہر ایک کام میں تم پیش تَر دُرود پڑھو

ہزار درد کو یہ ایک دَوا کِفایت ہے                                                   جو پیش آئے ذرا بھی خَطر دُرود پڑھو

خدا تو بھیجے ہے صَلُّو و سَلِّمُو کا خِطاب                                       تم ایسے بیٹھے ہو کیوں بے خبر دُرود پڑھو^([2])

صَلُّوْا عَلَی الْحَبیب!                  صَلَّی اللّٰہُ عَلٰی مُحَمَّد

بیان سننے کی نیتیں

حدیثِ پاک میں ہے:اِنَّمَا الْاَعْمَالُ بِالنِّیَّات اعمال کا دار و مدار نیت پر ہے۔^([3])

اے عاشقانِ رسول ! اچھی اچھی نیتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھی اچھی نیتیں کر لیتے ہیں، نیت کیجئے!مثلاً *رضائے الٰہی کیلئے بیان سُنوں گا