Book Name:Qabar Ka Muamla Aasan Nahi
میں کھویا رہتا ہے، وہ بہت بدنصیب ہے، عنقریب اسے سخت مشکلات کا سامنا ہو گا۔
بے وفا دنیا پہ مت کر اِعتبار تُو اچانک موت کا ہوگا شکار
موت آکر ہی رہے گی یاد رکھ! جان جا کر ہی رہے گی یاد رکھ!
گر جہاں میں سو برس تُوجی بھی لے قبر میں تنہا قِیامت تک رہے
جب فِرِشتہ موت کا چھا جائے گا پھر بچا کوئی نہ تجھ کو پائے گا
کر لے توبہ رب کی رحمت ہے بڑی قبر میں ورنہ سزا ہوگی کڑی
پیارے اسلامی بھائیو! ہم پر لازم ہے کہ قبر کو روشن کرنے والے کام کریں اور قبر میں عذاب کا سبب بننے والے کاموں سے بچتے رہیں۔ مثلاً *قبر کو روشن کرنے کے لئے سب سے پہلی چیز عقیدہ ہے۔ *اللہ پاک کے متعلق *اس کے رسولوں کے متعلق *صحابہ و اَہْلِ بیت کے متعلق *اَوْلیائے کرام کے متعلق ہمارا عقیدہ بالکل درست اور قرآن و سُنّت کے مطابق ہونا چاہئے *اس کے ساتھ ساتھ ہم نیک کام بھی کرتے رہیں *پانچوں نمازیں وقت پر، مسجد میں باجماعت ادا کرنے کی عادَت بنائیں *جتنے فرائِض و واجبات ہیں، ان پر عمل کریں *زکوٰۃ فرض ہو تو ادا کریں *روزے رکھیں *لوگوں کے ساتھ حُسْنِ سلوک سے پیش آئیں *قرآنِ کریم کی تِلاوت کثرت سے کریں *درودِ پاک کی کثرت کریں *ذِکْرُ اللہ کی کَثْرت کریں ۔ اس کے عِلاوہ بھی جو نیک کام ہیں، ان میں دِل لگائے رکھیں، اِنْ شَآءَ اللہُ الْکَرِیْم! عذابِ قبر سے نجات کا سامان ہو جائے گا۔